Tikushaqpen ushyp baqylaýǵa «Qazseldenqorǵaý» MM, qalalyq TJD jáne t.b. mekemelerdiń basshylary men mamandary qatysty. Muzdaq kólderdiń, sondai-aq Aqsai, Qarǵaly, Kishi jáne Úlken Almaty ózenderiniń basseinderiniń jaǵdaiyna baǵalaý júrgizildi. Almatynyń mańaiynda barlyǵy 50-den astam muzdaq jáne muzdyq kólder bar, olardyń 12-si qaýipti, qaýipti kólderdiń jeteýinde aǵymdaǵy jyly sel qaýpin tómendetý boiynsha aldyn alý jumystary júrgizilýde.
«Qazseldenqorǵaý» mamandarynyń baǵalaýy boiynsha Almaty taýlaryndaǵy muzdyq kólderdiń buzylý qaýpi bar, sel qaýpine bailanysty jaǵdai erekshe baqylaýda. Temperatýranyń joǵarylaýyna bailanysty muzdyqtardyń erýi baiqalady, olar qysqy qardan shamamen 40-80% arylǵan. Muzdaq kólderdiń kópshiligi sýǵa toltyrylǵan, biraq olardaǵy sý deńgeii qaýipsiz deńgeige sáikes keledi, jer betindegi aǵyndar qalypty shekte.
2021 jyly jergilikti biýdjet esebinen 31 stantsiiadan turatyn Kishi, Úlken Almaty, Qarǵaly jáne Aqsai ózenderiniń basseinderinde sel qaýpiniń avtomattandyrylǵan monitoring júiesi engizildi. Júie sý deńgeiin, aýa men sýdyń temperatýrasyn, topyraqtyń ylǵaldylyǵyn, jaýyn-shashynnyń qarqyndylyǵyn, sel tús qaýpie qosa alǵanda, taý ózenderiniń jai-kúiiniń 10-ǵa deiingi parametrlerine avtomatty túrde monitoring jasaily.
Muzdaq kólderden sýdy aǵyzý boiynsha aldyn alý jumystaryna barlyǵy 40 adam kiristi, qajet bolǵan jaǵdaida býldozerler iske qosylady, evakýatsiialyq kanaldardy tazalaý jáne tereńdetý josparlanýda.
Tikushaqtan baqylaý barysynda qala ákimi «Aiýsai» shatqalynda salynyp jatqan selden qorǵaityn bógettiń nysanymen tanysty. Úlken Almaty jáne Aqsai ózenderiniń basseinderinde 122 sel qaýpi bar ýchaske, 114 muzdyq, muzdaq kólder ornalasqan. Jelilik qaýipsizdikti qamtamasyz etý úshin Aqsai jáne Aiýsai shatqaldarynda eki bóget salynýda. Búgingi kúni qurylys belgilengen kestege sáikes júrgizilýde, Aiýsai bógeti boiynsha jumystardy aiaqtaý merzimi 2022 jyldyń sońyna deiin, Aqsai shatqaly boiynsha jumystardy aiaqtaý 2023 jyldyń sońyna deiin jalǵasady.
