«Hikmet» stýdiiasy Islam qundylyqtaryn nasihattaidy: 13 qańtar 2017

«Hikmet» stýdiiasy Islam qundylyqtaryn nasihattaidy

Dalanews 13 qańtar, 2017

Astana qalasynda Qazaqstan musylmandary dini basqarmasyna qarasty «Hikmet» teleradiostýdiiasynyń jetekshisi Erbolat Aitbaiuly Bas múfti Erjan qajy Malǵajyuly men múftiiat qyzmetkerlerine stýdiianyń 2017 jylǵa arnalǵan jumys josparymen tanystyrdy.

Basqosýda Bas múfti «Hikmet» TV-nyń Dini basqarmanyń tikelei qaramaǵyna ótkenin tilge tiek etip, stýdiianyń búgingi zaman talaby men jamaǵattyń suranysyna orai zamanaýi, rýhani, dini baǵytta teleradioónimderdi shyǵaryp kele jatqanyn sóz etti.

«Qazir jastardyń basym kópshiligi dini aqparatty ǵalamtordan, áleýmettik jelilerden, telearnalardan alady. Bizdiń stýdiia elimizdegi dini aqparat keńistigin dástúrli Islamnyń asyl qundylyqtarymen toltyrýy tiis. Osyǵan asa mán berýlerińiz kerek», – dep atap ótti Erjan qajy Malǵajyuly.

Bas múfti stýdiia jumystaryn jetildirýge qatysty naqty tapsyrmalar berdi. QMDB-nyń bólim meńgerýshileri de osy baǵytta óz oilarymen bólisti.

Aita keteiik, QMDB tóraǵasy Erjan qajy Malǵajyulynyń 2016 jyldyń 22 jeltoqsandaǵy buiryǵymen «Áziret Sultan» meshitine «Respýblikalyq Bas meshit» degen airyqsha mártebe berilgen bolatyn. Sonymen qatar, Bas múfti buiryǵymen meshit janyndaǵy «Hikmet» teleradiostýdiiasy QMDB-nyń qaramaǵyna ótti.

«Hikmet» stýdiiasy Islam qundylyqtaryn nasihattaidy

Oqi otyryńyz

Aqniet pen Bórte: Toqaev Aqalteke qulyndaryna at berdi

Tursynbek Qabatov pen Móldir Muqannyń videosy jelide talqylanyp jatyr

Másimovtiń burynǵy kúieý balasy Reseide syrttai qamaýǵa alyndy