Hantavirýstyq infektsiianyń elge ákeliný qaýpine bailanysty týristerge arnaiy usynymdar jariialandy, dep habarlaidy dalanews.kz.
Sanitariialyq epidemiologiialyq baqylaý komitetiniń málimetinshe, hantavirýstyq infektsiia adamǵa negizinen kemirgishtermen nemese olardyń bólindilerimen bailanys arqyly juǵady.
Virýs aǵzaǵa shań, taǵam, sý nemese tisteý arqyly enýi múmkin.
Osyǵan bailanysty shetelge shyǵatyn azamattarǵa kemirgishtermen jáne olardyń bólindilerimen bailanystan aýlaq bolý, olardyń bolýy múmkin oryndarǵa barmaý usynyldy.
Sondai aq kemirgishtermen lastanýy yqtimal taǵam men sýdy paidalanbaý, kóshe saýdasynan alynǵan ónimderdi tutynbaý jáne azyq túlikti jabyq ydysta saqtaý qajettigi aityldy.
Jabyq ǵimarattarda bolǵan kezde aldyn ala jeldetý júrgizip, dezinfektsiialyq quraldarmen ylǵaldy tazalaý jasaý usynylady.
Tazalaý kezinde maska men qolǵap sekildi jeke qorǵanys quraldaryn paidalaný qajet.
Adam kóp jinalatyn oryndarda araqashyqtyq saqtaý, maska taǵý jáne qol gigienasyna mán berý usynylǵan.
Mamandar shetelden oralǵannan keiin 1 aptadan 8 aptaǵa deiin dene qyzýynyń kóterilýi, álsizdik, bulshyqet aýyrýy, jótel nemese entigý baiqalsa, dereý dárigerge júginýge shaqyrdy.
Mundai jaǵdaida meditsina qyzmetkerlerine shetelde bolǵany týraly mindetti túrde habarlaý qajet ekeni eskertildi.
