Búgin Astanada «PARYZ» QR Ulttyq jumys berýshiler konfederatsiiasynyń uiymdastyrýymen NEF 2026 Qazaqstan jumys berýshiler qaýymdastyqtarynyń birinshi ulttyq forýmy ótti, dep habarlaidy dalanews.kz.
Is-shara biznes, qaýymdastyqtar, memlekettik organdar ókilderi men halyqaralyq sarapshylardyń basyn qosýda.
«PARYZ» QR Ulttyq jumys berýshiler konfederatsiiasy Prezidiýmynyń tóraǵasy Jumabek Janyqulov óz sózinde jańa institýtsionaldyq bastamalardyń — Jumys berýshiler qaýymdastyqtaryn qoldaý ortalyǵy men Áiel jumys berýshiler platformasynyń iske qosylatynyn jariialady.
Prezidiým basshysynyń aitýynsha, Qazaqstanda alǵash ret ótkizilip otyrǵan forým tek talqylaý alańy ǵana emes, sonymen birge jumys berýshiler institýtyn kúsheitý men biznes-qoǵamdastyqty shoǵyrlandyrýdyń praktikalyq tetikterin iske qosý núktesine ainalýy tiis.
«Bizdiń mindetimiz — máselelerdi jai ǵana talqylaý emes, ózara is-qimyldyń turaqty júiesin qurý, quzyretterdi arttyrý, jumys berýshilerdiń basyn biriktirý jáne dialogty naqty nátijege ainaldyrý», — dep atap ótti Prezidiým tóraǵasy.
Jumys berýshiler qaýymdastyqtaryn qoldaý ortalyǵy jumys berýshilerdiń salalyq jáne óńirlik birlestikteriniń áleýetin kúsheitýge, saraptamalyq jáne uiymdastyrýshylyq qoldaýdy damytýǵa, úzdik tájiribelermen almasýǵa jáne biznes múddelerin tiimdi bildirýdi nyǵaitýǵa baǵyttalady.
Sonymen qatar, Áiel jumys berýshiler platformasyn iske qosý josparlanýda. Ol kóshbasshylyqty damytý, tájiribe almasý, áielder kásipkerligin ilgeriletý jáne áielderdiń ekonomika men biznes-qoǵamdastyqtaǵy rólin nyǵaitý keńistigine ainalady. Bastama áiel jumys berýshilerdi biriktirýge jáne olardyń áleýmettik-eńbek jáne ekonomikalyq kún tártibinde sheshimder qabyldaýǵa qatysýyn keńeitýge arnalǵan.
J. Janyqulov atap ótkendei, kúshti jumys berýshiler birlestikteri, ádil áleýmettik dialog jáne biznesti shoǵyrlandyrý turaqty ekonomika men básekege qabiletti eńbek naryǵyn qalyptastyrýdyń negizgi sharttary bolyp tabylady.
Forýmǵa eldiń túkpir-túkpirinen 600-ge jýyq qatysýshy jinaldy, olardyń qatarynda memlekettik organdardyń, halyqaralyq uiymdardyń, biznestiń, jumys berýshilerdiń salalyq jáne óńirlik qaýymdastyqtarynyń músheleri men ókilderi jáne t.b. bar.
