Britaniialyq boksshy Hamza Shiraz qazaqstandyq Jánibek Álimhanulymen kezdesýden bas tartty. Bul týraly Dúniejúzilik boks uiymy (WBO) málimdedi, dep habarlaidy dalanews.kz.
Uiymnyń habarlaýynsha, Shiraz WBO tujyrymy boiynsha ekinshi orta salmaqtaǵy álem chempiony ataǵyna qatysty óz sheshimin ózgertken.
Boksshynyń múddesin qorǵaityn Queensberry Promotions kompaniiasy promoýterlik saýda aiaqtalǵannan keiin Shirazdyń sheshimi týraly WBO-ǵa resmi túrde jazbasha habarlaǵan.
Osylaisha britaniialyq boksshy Jánibek Álimhanulymen jekpe-jek ótkizýden bas tartqan.
"WBO Hamza Shiraz ben onyń komandasynyń sheshimin qurmetteidi", – delingen uiym málimdemesinde.
Jánibek Álimhanuly buǵan deiin Shirazben kezdesý ótkizýge daiyn ekenin birneshe ret málimdegen edi.
