Halyqty aldaǵandar jaýapkershilikke tartylady - Bozymbaev

Qarakóz Amantaı 12 sáý. 2024 13:57 3618

Respýblıkalyq shtab basshysynyń sý tasqynyna qarsy is-sharalardy úılestirý jáne sý tasqyny saldaryn joıý jónindegi orynbasary Qanat Bozymbaevsý tasqyny kezinde dúrbeleń týdyratyn jalǵan aqparat taratqandar qylmystyq jaýapkershilikke tartylatynyn eske saldy, dep habarlaıdy Dalanews.kz.

Onyń aıtýynsha, mundaı jalǵan aqparattar qoǵamda, ásirese zardap shekken óńirlerde jıi dúrbeleń týdyrady.

"Osyndaı jalǵan habarlamalardyń nemese Tótenshe jaǵdaımen kúres jónindegi shtabtardyń jalǵan akkaýnttarynyń barlyq avtorlaryna bul aqparatty jarıalaýdaǵy jaýapkershilik týraly eskertkim keledi. "Onlaın platformalar jáne onlaın jarnama týraly" zań bar, oǵan sáıkes paıdalanýshylar ornalastyrylǵan jáne taratylatyn mazmunnyń durystyǵyn tekserýge, jalǵan aqparatty taratpaýǵa, sondaı-aq mundaı aqparatty jáne kez kelgen zańsyz mazmundy joıýǵa mindetti.

Tıisti qurylymdar mundaı jalǵan aqparatqa taldaý júrgizedi, qajetsiz dúrbeleń týdyryp, otandastaryn aldaǵan kez kelgen azamat, óz áreketteri úshin naqty aqy tóleıtin bolady", - dedi Qanat Bozymbaev.

Mundaı faktiler úshin qoldanystaǵy zańnamada qylmystyq jáne ákimshilik jaýapkershilik qarastyrylǵan.


Usynylǵan
Sońǵy jańalyqtar