Qazaqstan İİM Interpoldyń Ulttyq ortalyq búrosynyń suraýy negizinde Grýzıanyń Rýstavı qalasynda halyqaralyq izdeýde júrgen er adam ustaldy, dep habarlaıdy Dalanews.kz.
Ol QR Qylmystyq kodeksiniń 367-baby 2-bóliginde kózdelgen qylmysty – laýazymdy tulǵaǵa para berý áreketin jasaǵany úshin aıyptalyp otyr.
Tergeý dereginshe, kúdikti 2019 jyly qylmystyq jaýapkershilikten jaltarý maqsatynda quqyq qorǵaý organynyń qyzmetkerine 400 AQSH dollary kóleminde para bergen.
Buǵan deıin júrgizilgen tekserý barysynda kúdiktige tıesili massaj salonynyń atymen jezókshelik qyzmet kórsetilgeni anyqtalǵan.
Qazirgi ýaqytta ustalǵan er adam Grýzıa aýmaǵynda qamaýǵa alyndy.
