Halyqaralyq IT ýniversitetiniń stýdentteri top jardy
Banktik Hakaton HalykFinTech-tiń qorytyndysy jariialandy. Nátijeleri qýantarlyq.
Atap aitqanda Halyqaralyq IT ýniversitetiniń 2 kýrs stýdentteri jeńiske jetti. Bular: Appazov Ilias, Ibragimov Rýstam, Sherbakov Konstantin, Kozlov Dmitrii. Osynaý talantty jastar telefondy POS-terminal retinde qoldanýǵa múmkindik beretin Halyk Wi-Pay mobildi qosymshasy jobasyn oilap tapty.
Al ekinshi oryndy QBTÝ-dyń stýdentteri ielendi. Olar «whatsapp kómekshi» dep atalatyn jańa qosymshany oilap tapty. Onyń paidasy sonda, jyldam nesielik skroingti júzege asyrady.
Úshinshi oryn taǵy da Halyqaralyq IT ýniversitetiniń túlekterine buiyrdy. Ýniversitet túlekteri Arynǵazy Dastan jáne Trofimov Ilia, Telegin Evgenii SDÝ stýdenti Áljanov Baýyrjanmen birlesip Android-qa arnalǵan «Qatynassyz tólem jasaityn messendjer» mobildi qosymshasyn oilap tapty.
Barlyǵy Hakatonǵa 38 komanda tirkelgen bolǵan. Al qatysýshylardyń sany 100-den asyp jyǵyldy. Hakaton aiasynda qatysýshylar bank klientterine arnalǵan, onyń ishinde qyzmet kórsetý sapasyn jaqsartatyn, bastysy azamattarǵa sapaly qyzmet kórsetetin jańa ónimder jasap shyǵardy.
Jáne eń basty jańalyq, jeńiske jetken jobalar bankterdiń bazasyna kiretin bolady. Jeńimpazdar sanatynan kórine almaǵan jobalar da bank sanatynan qalys qalmaidy jáne qajet bolǵan jaǵdaida bank jumysynyń aiasynda júzege asatyn bolady.
Aita ketelik, Hakaton HalykFinTech Halyqaralyq IT ýniversitetimen birige otyryp Qazaqstan Halyq bankiniń muryndyq bolýymen uiymdastyrylǵan edi. Hakaton qazylar alqasynyń músheligine Investitsiia jáne damý vitse-ministri Raqym Oshaqbaev kirgenin qýanyshpen habarlaimyz. Raqym Sákenuly ózge de qazylar alqasymen birlesip qatysýshylarǵa ádil baǵasyn berdi.
Óz tarapymyzdan jeńiske jetken jastardy, jalpy qatysýshylardy Hakatonnyń sátti ótkizilýimen quttyqtaimyz.
Halyqaralyq IT ýniversitetiniń baspasóz qyzmeti
