Óńir basshysy óńirdiń áleýmettik-ekonomikalyq kórsetkishterin baiandap, atalǵan bank ókildigimen aýyl sharýashylyǵy, kommýnaldy sharýashylyq, infraqurylym, avtojoldar salý salalarynda birlese jumys isteýge daiyn ekenin jetkizdi.
– Eýropalyq qaita qurý jáne Damý bankiniń múmkindikteri mol. Búginde Ońtústik Qazaqstan oblysynda sheteldik investorlardy tartýǵa negizgi basymdyq berilip otyr.
Osy rette birlese jumys isteýge ázirmiz. Aldaǵy ýaqytta Shymkent, Túrkistan, Kentaý qalalarynyń infraqurylymdaryn damytý boiynsha jumystar júrgizýge múddeli ekendigimizdi jetkizgim keledi. Bul qarjy institýtymen birlese jumys isteýdiń birinshi tiimdi tusy, teńge ainalymyn júrgizýge múmkindigimiz bar. Ekinshiden, paiyzdyq stavkasy basqa banktermen salystyrǵanda óte tómen, – dedi Janseiit Túimebaev.
Aita keteiik, Eýropalyq qaita qurý jáne Damý banki 1991 jyly Ortalyq jáne Shyǵys Eýropada jańa dáýir ornatý úshin qurylǵan. Ol elderdiń ashyq saýda ekonomikasyna kóshýine yqtimal etetin, sondai-aq, jeke jáne kásipkerlik qyzmetin damytatyn jobalardy investitsiialaidy. Shtab-páteri Londonda ornalasqan bankige 66 el, sonyń ishinde TMD elderi, sondai-aq, Eýropa investitsiialyq bankisi men Eýropa qoǵamdastyǵy múshe bolyp tabylady. Bankke eýropalyq emes elder de múshe bola alady.
Agris Preimanis Ońtústik Qazaqstanda bank qarjylandyrylyp jatqan negizgi jobalarǵa toqtalyp, óńirdiń ekonomikalyq áleýetin kóterýge daiyn ekendikterin jetkizdi.
– Ońtústik Qazaqstan oblysynyń aýyl sharýashylyǵy sektorynyń múmkindigi de, áleýeti de mol.
Bul salada sońǵy jyldary menedjment jaqsaryp kele jatyr. Aýyl sharýashylyǵy salasy investorlar úshin tartymdy. Sondai-aq balamaly energiia kózderi, soǵan qatysty jobalar da investorlardyń nazaryn jii aýdarady. Qazir Qazaqstanda memlekettik kompaniialar jekeshelendirile bastady. Bul sektor da investorlardyń nazarynan tys qalmaidy, – dedi Eýropalyq Qaita Qurý jáne Damý bankiniń Qazaqstandaǵy direktory Agris Preimanis.
Kezdesý qorytyndysy boiynsha taraptar aldaǵy ýaqytta naqty usynystar negizinde jumys isteýge ýaǵdalasty.
OQO ákiminiń baspasóz qyzmeti
