- Ótken jyly álem muhitynda 10 000-nan astam konteiner joǵalyp ketti, olardyń 1500-niń bortynda ýly zattar boldy, bul jaǵdai ekologiiaǵa úlken qater týdyrady.
Biz osy baǵytta kemelerdi qutqarý júiesin jasadyq. Ol kemelerdi jinaidy, jáne Qazaqstannyń eń úzdik neirondyq jelilerin paidalana otyryp taratady. Bizdiń jobanyń maqsaty– jasandy intellektti paidalaný arqyly teńizdegi logistikalyq kompaniialardyń tiimdiligi men ónimdiligin arttyrý, - deidi saiystyń «Future Innovators” sanatynda 2-oryndy ielengen Astana qalasyndaǵy NIS IB shákirtteri, ACRS aqyldy júiesiniń avtorlary Aýsarbekov Ádilet pen Qurmanǵazy Áliámir.
Balalar sonymen qatar muhittaǵy qoqystardy baqylaýǵa kómektesetin sandyq kartany oilastyrdy.
Taraz qalasyndaǵy NIS-tiń jas konstrýktorlary da Qazaqstan men álemdegi ekologiialyq ahýaldyń jaqsarýyna óz úlesterin qosýǵa nietti. Ushqyshsyz júzý apparattarynyń júiesin 10-synyp oqýshylary, chempionattyń «Future Innovators” sanatynyń úzdikter reitingin bastap turǵan Aimer Koshmametov pen Aliiar Saǵyndyqov usynady:
- Biz munaidyń tógilý jaǵdailaryn jii estimiz, bul tarapta teńizdi tazartýdyń dástúrli ádisteriniń tiimdiligi az. Kaspii teńiziniń 5% - nan astamynda munai daqtaryn kórýge bolady. Munyń basty sebebi-munai kóligindegi apattar. Biz osyndai qaterli jaǵdailar týyndaǵanda munaidyń teńizge tógilýin boldyrmaý úshin teńiz kólikterin robottarmen jabdyqtaýdy usynamyz. Tótenshe jaǵdai kezinde bul drondar fondyq tosqaýyl jasaidy, kemeni qorshaidy jáne arnaiy tehnika kelgenge deiin munaidyń tógilýine jol bermeidi.
Almaty qalasyndaǵy himiialyq-biologiialyq baǵytyndaǵy Ziiatkerlik mekteptiń 9-synyp oqýshylary, «Future Innovators” sanatynyń úzdikter reitingine engen Darhan Qarakulov pen Dinmuhamed Kósherbaev teńiz logistikasyn ekonomikalyq turǵydan jaqsartý ideiasyn qarastyryp, robototehnika men baǵdarlamalaýdy túiistirgen "Avtomattandyrylǵan port krany" jobasyn ázirledi:
- Joba porttar men teńiz logistikasyndaǵy operatsiialardyń qaýipsizdigin jaqsartýǵa jáne qamtamasyz etýge baǵyttalǵan. Biz konteinerlerdi tiimdi jáne tez jyljytýǵa baǵyttalǵan avtomattandyrylǵan kran úlgisin usynamyz, bul jumys ýaqytyn qysqartady, eńbek shyǵyndaryn azaitady jáne port qyzmetiniń jalpy ónimdiligin arttyrady .
Aptanyń sońynda Almaty qalasyndaǵy himiia-biologiia baǵytyndaǵy Ziiatkerlik mektebinde "World Robot Olimpiad-2023"-tiń ulttyq chempionaty qorytyndylandy. Qazylar alqasy tórt sanat boiynsha jeńimpazdar men júldegerlerdi anyqtady. Respýblikamyzdyń barlyq óńirlerinen kelgen qatysýshylardyń ishinen top jaryp 24 komanda jeńimpazdar men júldegerler qatarynan tabylsa, 32 top úzdikter reitingine kirdi. 1-orynǵa ie bolǵan komandalar "World Robot Olimpiad-2023" álemdik olimpiadaǵa ústimizdegi jyldyń qarasha aiynda Panama eline attanatyn bolady.
