"Qurmetti týystarym, sizderge jaǵymsyz bir jańalyq habarlaǵym kelip otyr. Jańa ǵana bir vırýsologpen sóılestim. Ol tikeleı vırýstarmen jumys isteıdi. Bul aqparatty qupıada ustaıdy eken. Bótelkedegi sý bolsyn, dıspenser bolsyn, qandaı sý bolsa da, qaınatpaı ishpeńder dedi. Sý arqyly bárin ýlaıdy", - deıdi jazba avtory.
Onyń aıtýynsha, sý arqyly balalar men jasóspirimderdi ýlaıdy-mys. Sol úshin jansaqtaý bólimderinde balalarǵa arnalǵan bokstardy da daıyndap qoıǵan.
"Jastardy baıqańdar dedi. Úıden shyǵarmańdar. Dúısenbiden bastapty. Shıki sýdy ishpeńder. Bárin qaınatyp otyryńyzdar", - dep atap kórsetti ol.
Densaýlyq saqtaý mınıstrliginiń sanıtarlyq-epıdemıologıalyq baqylaý komıteti aýdıojazbada aıtylǵan máseleni joqqa shyǵardy.
"Bul feık aqparat. Halyqty qaýipsiz aýyz sýmen qamtý máselesi komıtettiń jáne onyń aýmaqtyq bólimsheleriniń erekshe baqylaýynda jáne udaıy nazarda", – dedi komıtet mamandary.
Aıta keteri, aýyz sýdaǵy ý týraly habarlamalar Reseı men Qazaqstanda keńinen tarap jatyr. Osy ispetti feık aqparat bıyl sáýir aıynda da shyqqan.
https://dalanews.kz/del-qazir/66168-biylgy-oqu-zhylynda-mektep-formasyn-ki
