Qazaqstandyq boksshy qytailyq Iýi Fenkaidy ońdyrmai sabady. Jerlesimizdiń joiqyn soqqylaryna shydamaǵan qarsylasy ekinshi raýnda-aq berildi. Levit tehnikalyq nokaýtpen jeńiske jetti.
Aita ketsek, buǵan deiin sharshy alańǵa shyqqan boksshylarymyz Birjan Jaqypov pen Jánibek Álimhanuly óz kezdesýlerin sátti bastaǵan tuǵyn.
Al Levittiń jeńisi nesimen qundy? Sebebi, buǵan deiin dál osy salmaqta qazaq boksshylary Olimpiadaǵa barmaǵan. Elimiz egemendik alǵaly beri 91 kelidegi boksshylarymyz Olimp shyńyn baǵyndyrýǵa qansha talpynǵanymen, tórtjyldyqtyń basty dodasyna joldary túspep edi.
Anyqtama: Vasilii Levit
Týǵan kúni/jyly: 24.02.1988
Týǵan jeri: Qostanai oblysy
Salmaǵy: 91 keli
Jetistigi:
2009, 2011 jyldary Qazaqstan chempiony;
2009 jyly Aziia chempiony;
