Qýanysh Bishimov Atyraý munai óńdeý zaýytynyń bas direktory bolyp taǵaiyndaldy. Bul týraly "QazMunaiGaz" málimdedi, – dep habarlaidy Dalanews.kz.
Pavlodar munai zaýytyn basqarǵan Bishimov Atyraýǵa oiysty
"Atyraý munai óńdeý zaýyty" JShS ("AMÓZ" JShS) qatysýshylarynyń kezekten tys jalpy jinalysynyń sheshimimen zaýyttyń Bas direktory (Basqarma tóraǵasy) qyzmetine Bishimov Qýanysh Erdáýletuly taǵaiyndaldy", - dep jazylǵan habarlamada.
Q.Bishimov ár jyldary keden organdarynda, QR Ekonomika jáne saýda ministrliginde, QR Indýstriia jáne saýda ministrliginde, QR Tótenshe jaǵdailar ministrligi Memlekettik materialdyq rezervter komitetiniń "Rezerv" RMK-da jumys istegen. "Petropavl aýyr mashina jasaý zaýyty" AQ Bas direktory, "Atameken" UKP Basqarma tóraǵasynyń orynbasary, "Qazaqstan Injiniring" UK" AQ Basqarma tóraǵasy qyzmetterin atqardy.
Bul taǵaiyndaýǵa deiin "Pavlodar munai-himiia zaýyty" JShS bas direktory boldy.
QMG málimetinshe, basshylyq Atyraý munai óńdeý zaýytynyń jańa bas direktorynyń aldyna operatsiialyq tiimdilikti arttyrý, jeńil munai ónimderin shyǵarý kólemin ulǵaitý, óndiristik protsesterdiń senimdiligi men energiia tiimdiligi deńgeiin arttyrý, ekologiialyq jobalardy odan ári iske asyrý, 2025 jyly josparly aldyn alý jumystaryn sapaly júrgizý jáne qyzmetkerlerge qolaily ári qaýipsiz jaǵdai jasaý jóninde naqty mindetter qoidy.
"Atyraý munai óńdeý zaýyty" JShS qatysýshylarynyń kezekten tys jalpy jinalysynyń sheshimine sáikes "AMÓZ" JShS burynǵy bas direktory (Basqarma tóraǵasy) Ǵalymjan Omaruly Jýsanbaevtyń ókilettigi merziminen buryn toqtatyldy", - dep jazylǵan habarlamada.
Buǵan deiin qandai jaǵdai boldy?
Aita keteiik, buǵan deiin áleýmettik jelide AMÓZ-degi jaǵdaiǵa qatysty shaǵymdar jariialanǵan bolatyn. "Zaýyt basshysy qyzmetin atqarǵan Ǵalymjan Jýsanbaev ártúrli zańbuzýshylyq jasady" dep aiyptalǵan edi. "QazMunaiGaz" bul máseleni zertteý úshin zaýytqa arnaiy komissiia jiberýge ýáde bergen. Nátijesinde Jýsanbaev pen zaýyttyń bas injeneri Shoshanbasov óz laýazymdarynan bosatylǵan.
27 aqpanda Qarjylyq monitoring agenttigi AMÓZ basshylyǵyna qatysty qylmystyq is qozǵalǵanyn habarlady.
Keiinirek Jýsanbaev kásiporynda "sabotaj" bolǵanyn aityp, ózi týraly aryzdaǵy málimetterdi joqqa shyǵardy.
Sóitip 2024 jylǵy maýsymda Atyraý munai óńdeý zaýytynyń eks-direktory sot sheshimimen jumysyna qaita oraldy.
Astana qalasynyń azamattyq ister jónindegi aýdanaralyq sotynyń sheshimimen Atyraý munai óńdeý zaýytynyń burynǵy bas direktory Ǵalymjan Jýsanbaevtyń quqyǵy qorǵaldy.
