Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Uiǵyr aýdanynda azamattyq biregeilikti nasihattaǵan shara ótti

Dalanews
Uiǵyr aýdanynda azamattyq biregeilikti nasihattaǵan shara ótti
Taiaýda Almaty oblysy Uiǵyr aýdanynda «Etnos jastary arasynda azamattyq biregeilik pen qazaqstandyq patriotizmdi qalyptastyrý» atty jastar patriottyq aktsiiasy ótti. Jetisý jastaryna boiyna otanshyldyq sezimin darytýda azamattyq biregeilik qundylyqtaryn dáripteýdiń mańyzy zor. Búginde memlekettimizdiń ulttyq saiasatynyń eń basty baǵyt-baǵdary – ulttyq jáne azamattyq biregeilikti qalyptastyrý bolyp tabylady. Al oǵan alyp baratyn tóte jol – memlekettiń jan-jaqty oiastyrylǵan etnosaiasaty men qoǵamdy demokratiialandyrý protsesindegi jetistikteri ekeni sózsiz.

Elbasy Nurusltan Nazarbaev  «Qazaqstan, sózdiń tolyq maǵanasynda, kópultty memleket ekenin umytýǵa bolmaidy. Bul jariia etilgen tujyrym emes, bul – shyndyq... Qazaqstan árqashan da kópetnosty memleket bolady jáne eshkim, eshqashan qandaida birulttyq tazartýdy júrgizbeidi, bizdiń kópetnostyǵymyz – orasan zor mádeni, ekonomikalyq jáne saiasi resýrs», sondyqtan biz osy qarapaiym eki aqiqatty uǵynyp, kelesi urpaqqa jetkizýge tiispiz» degen bolatyn. Osylaisha Nursultan Nazarbaev ult máselesin sheshýde kóp eńbekti jáne tynymsyz jumysty talap etetin, biraq sonyń ishindegi eń senimdi jolyn tańdady,

Uiǵyr aýdanynda ótken mańyzdy shararny aýdandyq ishki saiasat bóliminiń basshysy Maqsat Madamilov ashty. Aktsiia barysynda «Dostyq Úii – Qoǵamdyq kelisim ortalyǵy» KMM direktorynyń orynbasary Jandos Baiqamitov, áleýmettik bastamalar men mediatsiiany qoldaý qyzmetiniń jetekshisi Aliia Shagiahmet, Panfilov aýdandyq jastar resýrstyq ortalyǵynyń mamany Daýren Baitylechov sóz sóiledi. Óz kezeginde Maqsat Madamilov:


– Bizdiń búgin uiymdastyrp otyrǵan sharamyzdyń basty maqsat – jas urpaqty ulttyq igilikter men adamzattyq qundylyqtar, rýhani-mədeni muralar sabaqtastyǵyn saqtai otyryp tərbieleý kerektigi kún ótken saiyn mańyzdy bolyp otyr. Osy maqsatta tulǵanyń boiynda patriottyq qundylyqtardy damytý arqyly qazaqstandyq patriotizmdi qalyptastyrýǵa úlken mən berýimizge ómirdiń ózi talap etýde. Ulttyq patriotizmniń negizderi Qazaqstan Respýblikasynyń tarihi sanany qalyptastyrýǵa arnalǵan qujattarynda qarastyrylǵan, – dedi aýdandyq ishki saiasat bóliminiń jetekshisi.

Atalǵan is-sharanyń kórermenderi men qonaqtarǵa kontserttik baǵdarlama, sporttyq oiyndar usynyldy.

Jastar patriottyq aktsiiasy barysynda úsh sektsiia boiynsha seminar-trening ótti. Birinshi sektsiiada kásibi mediator Baqyt Chyngaeva sóz sóilep, mediatsiia salasyndaǵy óz tájiribesimen bólisti.

– Mediatsiia daýly máselelerdi sotqa jetkizbei balama tásilmen sheshýge múmkindik beredi. Sońǵy jyldary bizdiń qoǵamda mediatsiia uǵymy azamattyq quqyqtyq qarym-qatynas keńistiginde kóp qoldanyp, tildik qorymyzda jii paidalana bastadyq. «Mediatsiia» termini latynnyń «mediare» orta syzyq nemese deldaldyq etý degen sózinen shyqqan. Bul – úshinshi, beitarap, ádil, janjal nátijesine múddeli emes taraptyń qatysýymen ótetin daýlardy retteýdiń balamaly jańa túri. Qazaqy túsinikke sáikestindirsek eki jaqqa da ortaq, daý-damaida aitysýshylardy məmilege keltirý arqyly teń sheshim qabyldaýdyń ara aǵaiyndyǵy, – dep oiyn ortaǵa saldy.

Ekinshi sektsiiada áleýmettik jelilerdegi dinniń róli týraly Aidos Igembai aitty, al úshinshi sektsiiada Shyńǵys Kenjeǵulov kásipkerlik qyzmettiń erekshelikteri týraly aityp, óz tájiribesimen bólisti.

Aktsiia sońynda qatysýshylar alǵys hattarmen marapattaldy.
Almaty oblysy Uiǵyr aýdany patriotizm patriottyq aktsiia Madina Sádýaqasova

Oqi otyryńyz