Almaty qalasy Tótenshe jaǵdai departamenti ókili lai kóshkini júrgen aýmaqta qutqarý jumystary áli de júrgizilip jatqanyn, óitkeni izdeýge kedergi keltirgen jaittar bar ekenin málimdedi, - dep habarlaidy Dalanews.kz.
Tótenshe jaǵdai bolǵan jerden ázirge bir adamnyń denesi tabyldy.
"Nege túngi 2.20-dan beri izdestirý-qutqarý jumystary júrgizilip jatyr? Oqiǵa ornynyń tarlyǵy, taý baýraiyndaǵy kúrdeli relef qutqarýshylarǵa kedergi keltirip jatyr. Óitkeni túsken saz balshyq massasynyń kólemi 3500 tekshe metr bolǵandyqtan, úidiń barlyǵyn aýdaryp jibergen. Shyny, armatýra, qutqarýshylardy zaqymdaityn zattar kóp. Qulaǵan qurylymdardan jumystar kúrdelenip jatyr. Jumystar áli júrgizilip jatyr. Tańǵy 10.00-de jasóspirimniń denesi tabyldy. Qalǵan 3 adamnyń máiiti áli tabylǵan joq. Bir otbasy", - dedi qalalyq TJD ókili.
Almaty ákimdigi málimetinshe, 8 aqpanda saǵat 02-20-da "Taý Samaly" Medeý aýdany, Olimpiiskaia kóshesiniń boiynda tehnogendik topyraqtyń lailanýy saldarynan lai kóshkini júrgen.
Oqiǵa ornynda "Qazsseldenqorǵaý" MM, Almaty qalasy "109 qutqarý qyzmeti" Respýblikalyq jedel-qutqarý jasaǵy, Almaty q. TJD, jedel járdem brigadasy, Medeý aýdany ákimdiginen 160 adam jáne 30 tehnika jumys istep jatyr.
