“Jigitter jaǵdaılaryń bolsa qyzdy kúttirtip qoımaı, erterek úılengen durys. Qazaqtyń sany kóbeıgeni jaqsy. Yńǵaıy kelip jatsa urpaqty kóbeıtý kerek. Ári oǵan óte jaýapkershilikpen qarańyzdar. Bizdiń babalarymyz batyr bolǵan. Balaǵa durys tárbıe berý, keregimen qamtamasyz etý ákeniń mindeti”, - dedi Olımpıada chempıony.
Sportshynyń ózi birneshe ýaqyt buryn onynshy balanyń ákesi atanǵan edi. Iaǵnı úshinshi nekedegi jary dúnıege ul bala alyp keldi.
«Eń kenje ulym bir aı buryn ómirge keldi. Munymen toqtap qalmaımyz. Sebebi, áıelim: «Sen bokstan altyn aldyń, al men ana retinde altyn alǵym keledi. Endi jeti bala tabýym kerek», – deıdi.
Qazirgi tańda úsh nekeden qos qyzy men segiz uly bar boksshynyń perzentiniń úlkeni 20 jasta eken.
Ermahan Ybraıymovtyń tuńǵyshy Toıbek rejıser bolǵysy kelse, ekinshi uly Meıirbek aspaz oqýyn oqýda. Al Aısultan esimdi ulynyń boksqa qabileti bar eken.
