Urlanǵan aktivterdiń 770 mlrd teńgesi biýdjetke qaitarylǵan. Bul týraly Bas prokýror Berik Asylov málimdedi, dep habarlaidy Dalanews.kz.
Onyń aitýynsha, halyq sany ósip jatqanymen, eldegi qylmys deńgeii tómendep keledi.
"Keiingi jyldary qylmys deńgeii 2 esege tómendedi, adam óltirý men zorlaý 50%, buzaqylyq 70%, qaraqshylyq pen tonaý 80%-ǵa azaidy. Qylmystyq indeks boiynsha Qazaqstan birneshe jylda álemdik reitingte 60 satyǵa kóterildi", - dedi Asylov.
Sonymen qatar, urlanǵan aktivterdi qaitarý boiynsha 770 mlrd teńge biýdjetke qaitarylǵan.
"Osy qarajattyń esebinen 300-den asa áleýmettik nysan – mektepter, aýrýhanalar, sport keshenderi jáne shalǵai óńirlerdegi 2 millionǵa jýyq adamdy taza aýyz sýmen qamtamasyz etetin nysandar salynyp jatyr. Prokýratýra olardyń maqsatty jumsalýyn muqiiat baqylaýda ustap otyr. Aktivterdi zańdastyrý týraly zań aiasynda 5,3 trln teńgeden asa investitsiialar tartylǵan iri jobalar boiynsha erikti kelisimder bar", - dedi Asylov.
Oǵan qosa jyl basynan beri izdeýdegi 2 500 adam ustalǵan.
"Esirtki biznesimen kúreste de jańa tásilder engizilip jatyr. Himiialyq zattardyń ainalymyna tolyq baqylaý ornatýǵa baǵyttalǵan targeting-ortalyq iske qosyldy. 10 mlrd teńgeden asa esirtki qarjysy buǵattaldy", - dedi ol.
