Úrjar aýdanynda týrızm salasyna erekshe kóńil bólinýde. Týrıserge jaıly jaǵdaı jasaý maqsatynda aýqymdy jobalar iske asyrylýda. Sonyń dáleli bıyl aýdanda áýejaıdy qaıta jańǵyrtý jumystary jalǵasýda. Bul týraly aýdan ákim Nurjan Toqseıitov baspasóz konferensıasy barysynda málim etti, – dep habarlaıdy Dalanews.kz.

– Byltyr Alakólge 2 391,9 mln teńge bólinip, Maqanshy-Kóktal baǵyty arqyly joǵary kerneýli elektr jelisi tartyldy. Sonymen qatar, kól jaǵalaýynda sý qubyryn tartý jumystaryn júrgizý maqsatynda búdjetten 986,5 mln teńge bólindi. Aýdanda týrızmnyń damýy úshin áýejaıdy qaıta jańǵyrtý jumystary jalǵasýda. Jobanyń jalpy quny 4 747,0 mln teńge, – deıdi aýdan ákim Nurjan Toqseıitov.

Aıta keteıik, bıyl jaz maýsymynda Alakólge 1 mln astam týrıs kelgen.

– Bıyl demalys oryndarynda polısıa jáne feldsherlik pýnktin salýǵa oblystyq búdjetten 157,1 mln teńge qarjy bólingen. Qurylys jumystary jyl sońyna deıin aıaqtalady. Alakól jaǵalaýynda 60 ga jerdi qurǵatý úshin 242,4 mln teńge qarastyryldy. Bıyl jaz maýsymynda Alakólge 1 mln astam týrıs keldi, – deıdi aýdan ákimi.