Urylardyń qolynan qaza bolǵan úsh aǵaiyndynyń artynda segiz bala qaldy (video)
Bul týraly 31-arna habarlaidy.
https://www.youtube.com/watch?v=RmB9ll3Ur8I
Kenetten ákelerinen aiyrylyp qalǵan marqumnyń balalary qylmyskerler eń aýyr jazaǵa tartylsa deidi. Qazir Kóksý aýdanynyń úsh birdei turǵyndaryn jerleý rásimine daiyndyq jumystary júrip jatyr.
- Meniń eki qaryndasym, ózim barmyn. Osy adamdardy atsa eken deimin.
13 jastaǵy Jalyn qaza bolǵan Jarqynbek Doldannyń tuńǵyshy. Ákesi joǵalǵan sátten bastap Jalyn birden eseie túsken. 9 jastaǵy Dilnár men 4 jastaǵy Ińkárǵa ózi bas-kóz bolyp júr. Dál osy qaiǵyly oqiǵada qaitys bolǵan Muqiiat marqumnyń da artynda buǵanasy qatpaǵan 3 birdei balasy jetim, al jary jesir qaldy. Onyń tuńǵyshy 10 jasta, Qymbat esimdi qyzy beste, al Nurlaty nebári 3-te eken. Balapandar telearnaǵa óz oilaryn aitýǵa asyqty.
DÝLAT MUQIIaTULY, Muqiiat Zarylhannyń uly:
- Olar tozaqta jany qinalsyn dep tileimin.
QAZEZ TOQA, Marqumnyń týysy:
- Ekeýinde 3 bala, bireýinde 2 bala. Segiz bala qaldy. Eki kári qaldy. Káriniń bireýi dalaǵa kirip shyǵady, bireýi múldem kirip shyǵa almaidy, múgedek bolyp qalǵan. Osy jóninde ákimshilikke múmkindiginshe kómek bolsa deimiz.
Marqumdardyń týystary qanǵa qan, janǵa jan dep ashynyp otyr. Alaida elimizde ólim jazasy múldem qoldanylmaidy. Qazir jergilikti ákimdiktegiler de qoldan kelgenshe qol ushyn berip, járdemdesýde.
ÁLIIa SADYQOVA, Kóksý aýdany ákiminiń orynbasary:
- Bir azamatymyzdyń tól-qujatyn jasap jatyrmyz. Qazir tústen keiin ákep beremiz. Tólqujatyn aýystyrýǵa bergen eken. Aýyl tarapynan qandai kómek qajet bolsa, biz sonyń bárin atqaryp jatyrmyz.
Jalpy qaza bolǵan otbasynyń týystary úsh jigitti aldymen atqanyn, artynsha kómgenderin aityp otyr. Endi bar tilekteri - is ádil júrse deidi. Tósek tartyp qalǵan 90-ǵa kelgen áje de ulyn óltirgen qylmyskerler ádil jazasyn alsa deidi. Erteń qaza bolǵan Kóksý aýdanynyń úsh turǵynyn et-jaqyndary jer qoiynyna tapsyrady.
