QR UQK baspasóz qyzmetiniń habarlaýynsha, tamyzda Qazaqstannyń eki azamaty qylmys jasady degen kúdikpen ustalyp, sottyń sanktsiiasymen qamaýǵa alyndy.
"Tintý barysynda 240 litrden asa psihotroptyq zat pen 2 tonna prekýrsor, sondai-aq esirtki daiyndaýǵa arnalǵan zerthanalyq jabdyq anyqtalyp, tárkilendi", delingen habarlamada.
QR Qylmystyq kodekstiń 297-baby boiynsha sotqa deiingi tergep-tekserý júrgizilýde.
QR Qylmystyq-protsestik kodekstiń 201-babynyń 1-bóligine sáikes ózge aqparat jariia etýge jatpaidy.
Aita ketsek, 2025 jyly 13 tamyzda Prezident Qasym-Jomart Toqaevtyń tóraǵalyǵymen Qaýipsizdik keńesiniń narkotizmge qarsy is-qimyl máseleleri jónindegi otyrysy ótken bolatyn. Sondai-aq Prezident Qasym-Jomart Toqaevtyń Qaýipsizdik keńesi otyrysynda bergen tapsyrmalaryn oryndaý sheńberinde premer-ministrdiń ókimimen nashaqorlyq profilaktikasy jáne esirtki qylmysyna qarsy is-qimyl boiynsha memlekettik organdardyń qyzmetin úilestirý jónindegi respýblikalyq shtab qurylǵany belgili.
