Aqordada ótken Qaýipsizdik keńesiniń shuǵyl otyrysynda Ulttyq qaýipsizdik komıtetiniń basshysy Vladımır Jumaqanov Prezıdentke Almatydaǵy Almaly aýdandyq ishki ister men ulttyq qaýipsizdik departamentterine shabýyl jasaǵan qylmysker týraly aıtyp berdi, dep habarlaıdy.
Onyń aıtýynsha, 1990 jyly maýsymnyń 11-i kúni týǵan Kúlikbaev Rýslan Alpysbaıuly - Qyzylorda oblysynyń týmasy. Buryn Baıqońyr qalasynda turǵan. Úılengen. «Sońǵy ýaqytta Almaty oblysy İle aýdanynyń Yntymaq aýylynda turyp keldi. Sol jerde uıaly telefondar saýdasymen aınalysty. 2010 jyly tamyzdyń 27-si kúni Shymkent qalasy Eńbekshiler aýdandyq sotynyń sheshimimen QR Qylmystyq kodekstiń 178-baby, 2-tarmaǵy (Zorlyq-zombylyq belgileri bar qaraqshylyq jasaý) boıynsha kináli dep tanyldy. Al 2012 jyly mamyrdyń 8-i kúni Qyzylorda qalalyq sotynda 251-baby (Qarý-jaraqty zańsyz saqtaý jáne qoldaný) boıynsha 2 jyl 11 aıǵa sottalǵan bolatyn. Túrmede, kolonıada ol sáláfıttermen jaqyndasyp ketti. Qazir anyq-qanyǵyn zerttep jatyrmyz», - deıdi V.Jumaqanov.
Derekkóz: Baq.kz portaly.
