Qazaqstan Respýblıkasy Ulttyq qaýipsizdik komıteti QR İİM arnaıy maqsattaǵy kúshterin tarta otyryp, Atyraý oblysy prokýratýrasynyń kelisimi boıynsha Atyraý jáne Batys Qazaqstan oblystarynyń aýmaǵynda quramynda esirtki bar ósimdikter ósirýdi uıymdastyrǵan qylmystyq toptyń zańǵa qaıshy áreketiniń jolyn kesti, dep habarlaıdy Dalanews.kz. 

Quzyrly vedomstva málimetinshe, arnaıy operasıa nátıjesinde 2021 jylǵy 18 tamyzda úsh plantasıada 31 adam (onyń 17-si sheteldik), onyń ishinde esirtki tobyn uıymdastyrýshy ustaldy.

Zańsyz aınalymnan 4 tonnadan astam marıhýana, 7 birlik atys qarýy men oq-dáriler tárkilendi. Sonymen qatar tintý barysynda brakonerlik jolmen alynǵan aqbóken múıizderi men bekire tuqymdas balyqtar tabyldy. UQT áreketiniń jolyn kesý úshin tynymsyz jedel jumys júrgizildi, delingen QR UQK baspasóz qyzmetiniń habarlamasynda.

Sondaı-aq fıgýranttardyń esirtki qylmysyna qatystylyǵyna bultartpas dáleldemelerge qol jetkizilgeni, qylmystyq toptyń qurylymy jáne qatysýshylar arasynda rólderdi bólip alýy anyqtalǵany aıtylady.

 

https://dalanews.kz/news/64861-atyrauda-taksi-zhurgizushilerin-bopsa