Qaraǵandy men Óskemende Ulttyq biryńǵai testileýde zańsyz áreket jasaǵan úsh adam sottaldy, dep habarlaidy Dalanews.kz.
Ulttyq qaýipsizdik komitetiniń 2024 jylǵy 16 aqpandaǵy habarlamasyna sáikes qylmystyq kodekstiń 205-baby 2-bólimimen jáne 208-baby 2-bóligimen qarastyrylǵan qylmystardy jasaǵandary úshin kináli dep tanylǵan Qazaqstan azamattary S, J jáne N qatysty Qaraǵandy qalasy Qazybek bi aýdandyq soty men Óskemen qalasy № 2 sotynyń úkimderi zańdy kúshine endi.
Olardyń árqaisyna 1 jyl bas bostandyǵynan shekteý jazasy belgilendi. Sondai-aq aqparattyq tehnologiia jáne telekommýnikatsiia jelileri salasynda laýazymdy qyzmetke turý quqyqtarynan 3 jyl merzimge aiyryldy.
“Sottalǵandar 2023 jyly QR Ǵylym jáne joǵary bilim ministrligi Ulttyq testileý ortalyǵynyń zańmen qorǵalatyn aqparatyna zańsyz qol jetkizýdi jáne kóshirýdi júzege asyrǵandary úshin tergeldi.
Olardyń Ulttyq biryńǵai testileýdiń, pedagogtar men magistranttardyń bilimin baǵalaýdyń ótkizilýine qol suǵýlary dáleldendi", delingen habarlamada.
