Jylda kóktemde elimizdegi barlyq ult ókilderi dástúrden ainymai Astanaǵa jinalady. Elbasy dál osy kezdesýde Qazaqstandy meken etken orys, káris, ózbek, tájik syndy júzden astam etnostyń basyn qosyp, keńesedi.
Assambleia jiynynda qazaqtyń tól óneri aitys sóz boldy. Máselen, aqyn Júrsin Erman: «shaiyrlar prezidentti jyrlaǵanda jurt qatty qoldaidy» dep edi, Nursultan Nazarbaev ondai aitystardy unatpaimyn dep tyiyp tastady.
Nursultan Nazarbaev, Qazaqstan respýblikasynyń prezidenti:
— Menińshe, aitys aldymen oblystarda ótse, sol jerlerden jeńimpaz shyqsa, olardy tańdap, respýblika boiynsha kórsetse, durys bolar edi. Kileń dúldúlder shyǵýy tiis. Onyń sózi ánine sai bolýy qajet. Áitpese, sender «Nazarbaevty maqtańdar» dep tapsyrma beresińder, sodan neshe túrli báleler aitylyp ketedi. Adam tyńdamaityn.
Biraq Júrsin Ermanda tosylyp qalmady. Elbasynyń eskertýin jýyp-shaiýǵa kiristi.
Júrsin Erman, aqyn:
— Aitystarda sizdiń portretińizdi jasaǵan kezde zaldaǵylar ýyldap-shýyldap qoldap otyrady. Sol kezde , kózime jas keledi. Men jaǵympazdyqtan aityp otyrǵan joqpyn.
Jaǵympazdyqqa jany qas ekenin taǵy qaitalaǵan memleket basshysy bastysy birlikti kózdiń qarashyǵyndai saqtaý kerektigin shegelep aitty.
Derekkóz: KTK
