Grant sertifikatyn S.Amanjolov atyndaǵy ShQÝ rektory, professor, qalalyq máslihat depýtaty M.Á.Tólegen tabystady. Ol «Úmit» balalar úiine qalalyq máslihat depýtaty A.Q. Esimbekovamen, SD jáne ǴJ jónindegi prorektor I.V.Rovniakovamen birge bardy.
Granttardy bólý týraly sheshimdi ýniversitettiń Ǵylymi keńesi qabyldaidy.
Marapattaý qarsańynda «Úmit» balalar úiiniń pedagogikalyq ujymy úzdik túlekti anyqtady.
Sonymen qatar, balalar úiin aralaý barysynda S.Amanjolov atyndaǵy ShQÝ rektory M.Á.Tólegen pedagogikalyq qyzmetiniń 45 jyldyǵyna orai «Úmit» balalar úiiniń direktory Mariiý Beiseqanovany Abai atyndaǵy medalmen marapattady.
Balalar kontsert qoiyp, óz turmystary, balalar úiindegi ózin-ózi basqarý júiesi týraly aityp berdi. Kezdesýden estelik retinde tárbielenýshilerge ýniversitet atynan syilyqtar berildi: beisbolkalar men ShQÝ logotipi bar bloknottar, sondai-aq táttiler.
