Kúni keshe ǵan Prezidentimiz Qasym-Jomart Kemeluly Ulttyq quryltaida Qazaqstan halqyna arnalǵan birneshe ózekti máselelerdi sóz etti.
El Prezidenti quryltai týraly: «Quryltai shaqyrý – erteden kele jatqan ata dástúrimiz ekenin jaqsy bilesizder. Babalarymyz mańyzdy máselelerdi osyndai alqaly jiynda talqylaǵan. Halyq ózara aqyldasa otyryp bir toqtamǵa kelgen. Mundai sheshimder búkil eldi biriktirgen. Tól tarihymyzda ult taǵdyryn sheshken quryltailar bolǵan. Onyń kóbi halqymyz úshin mańyzdy kezeńde ótkizilgen.
Talas quryltaiynan keiin Altyn Orda derbes memleket boldy. Qaraqum jáne Ordabasy quryltailary jurtymyzdy el qorǵaýǵa uiystyrdy.
Orynbordaǵy birinshi qazaq quryltaiynda «Alash» partiiasy quryldy. Ekinshi quryltaida Alash avtonomiiasy jariialandy. Egemendik kezeńinde Dúniejúzi qazaqtarynyń alǵashqy quryltaiy ótkizildi. Bul jiynda syrttaǵy qandastarymyz atamekenge shaqyryldy. Uly kósh táýelsiz Qazaqstanǵa bet aldy», – degen oilary kópshiliktiń qoldaýyna ie boldy.
Ulttyq quryltaidyń shaqyrylýy – el ómirindegi eleýli oqiǵa. Quryltaidyń basty maqsaty jańa ideialar men jasampaz qadamdar arqyly ult birligin nyǵaitý bolyp tabylady.
Sonymen qatar Prezident Ulttyq quryltaidyń atqarǵan jumystary men jumys tobynyń quramyna da erekeshe nazar aýdardy. Ulttyq quryltaida sóz bolǵan arnaiy máselelerge toqtalǵandy jón kórip otyrmyz.
Máselen, «Jalpyulttyq birlikti nyǵaitý», «Reformalardyń mán-mańyzyn halyqqa túsindirý», «Jańa tehnologiialar arqyly halyqty aýqymdy reformalarǵa qatystyrý» t.b. mańyzdy ózekti máseleler jan-jaqty túsindirilip talqylandy.
Qazaqstan Respýblikasynyń Prezidenti Qasym-Jomart Kemelulynyń Ulttyq quryltaiǵa deiin Qazaqstan halqynyń atynan Joshy hannyń rýhyna quran baǵyshtap, qurban shalyp, babalar rýhyna taǵzym etti. Ulttyq quryltaidyń kieli jer – Ulytaýda ótýinde jańa Qazaqstannyń órkendep damýyna ashylǵan dańǵyl jol dep túsingenimiz abzal.
Ulttyq quryltaidyń alǵashqy otyrysy mazmundy, maǵynaly bolyp, halyqtyń kókeiinde júrgen kóptegen keleli máseleler aitylyp, talqylandy. Tyń oilar ortaǵa salynyp, oi-pikirlerdiń eshqaisysy eleýsiz qalmaidy jáne mańyzdy bastamalardy mindetti túrde birge júzege asyramyz dep senim bildirdi.
«Jańa Qazaqstan ideiasyn iske asyramyz desek, aianbai eńbek etýimiz kerek. Shyn máninde eldi eńbekqorlyq qana kórkeitedi. Tabysqa jetýdiń eń basty kilti – eńbek», – dep, qazirgi jastardyń boiynda ulttyq rýhani qundylyqtarymyzdy nasihattaý, dáripteý kerektigine erekshe toqtaldy.
Ulttyq quryltai sońynda Prezident: «Halqymyz «Eńbek – yrystyń bulaǵy, baqyttyń shyraǵy» dep beker aitpaǵan. Jańa Qazaqstanda eńbekqor adam eń syily adam bolýǵa tiis. Biz óskeleń urpaqty adal eńbekke baýlyp, jahandyq naryqta básekege qabiletti etip tárbieleýimiz qajet», – dedi. Mańdai termen tapqan ár tiyn – naǵyz ardyń isi, Abai aitqan «tolyq adamnyń» eńbegi ekenin jastardyń sanasyna toqýymyz qajet» degen aqynnyń ǵibratqa toly telegei-teńiz shyǵarmashylyq murasyn zaman talabyna sáikes jańasha dáripteý búgingi kúnniń basty mindet-maqsaty dep bilemiz.
Bolathan SARBASOV,
Ál-Farabi atyndaǵy Qazaq ulttyq ýniversitetiniń professor m.a., filologiia ǵylymynyń kandidaty
