2019 jyldyń 26 jeltoqsanynda premer-ministr Asqar Mamin Qazaqstannyń ulttyq panteony týraly jańa ereje jobasyn maquldady. Onda memleket basshysynan basqa kimder jerlene alatynyn Dalanews.kz habarlaidy.
Qujatta aitylǵandai, Ulttyq panteon – qaitys bolǵan adamdardy jerleitin oryn. Bul memorialdyq mańyzy bar arhitektýralyq nysan, onyń maqsaty – memleket, ǵylym, mádeniet qairatkerleriniń, sondai-aq Qazaqstannyń damýyna úles qosqan tulǵalardyń esimderin saqtaý.
Panteon Nur Sultan ákimdiginiń basqarýynda.
Panteonnyń territoriiasyna memorialdyq ǵimarat, "Estelik qabyrǵasy" monýmenti bar eske alý murajaiy (XX-XXI ǵǵ.), ákimshilik, qyzmettik jáne qosalqy ǵimarattar, qabir tastar, saiabaqtar jáne ainaladaǵy aýmaqtar kiredi.
Panteonda qaitys bolǵan mynadai adamdar jerlenedi:
1) Qazaqstan prezidentteri men olardyń otbasy músheleri;
2) premer-ministrler men olardyń orynbasarlary, parlament palatalarynyń tóraǵalary jáne olardyń orynbasarlary, memlekettik hatshylar, Prezident ákimshiliginiń basshylary, Konstitýtsiialyq Keńestiń, Joǵarǵy Sottyń jáne Ulttyq banktiń tóraǵalary;
3) ministrlerler, Qazaqstan prezidentine tikelei baǵynatyn jáne esep beretin memlekettik organdardyń basshylary, oblystardyń, respýblikalyq mańyzy bar qalalardyń jáne astana ákimderi;
4) "Halyq qaharmany", "Qazaqstannyń Eńbek Eri" ataǵyna ie bolǵan adamdar;
5) "Altyn Qyran", "Otan", "Qazaqstan Respýblikasynyń Tuńǵysh Prezidenti - Elbasy Nursultan Nazarbaev", úsh dárejedegi "Eńbek Dańqy " ordenderimen marapattalǵan azamattar;
6) "Keńes Odaǵynyń Batyry", "Sotsialistik Eńbek Eri" ataǵyna ie bolǵan azamattar;
7) "Qazaqstannyń ǵaryshker-ushqyshy" qurmetti ataǵyna ie bolǵan azamattar;
8) Qazaqstan Respýblikasy Prezidentiniń arnaiy sheshimimen basqa azamattar;
Panteonda jerlenetin adamdarmen birge keiin olardyń qaitys bolǵan jubailary da jerlenýi múmkin ekeni aitylǵan.
Jerleýdi uiymdastyrýmen oblystyń, respýblikalyq mańyzy bar qalanyń jáne astananyń jergilikti atqarýshy organdary qaitys bolǵan adamnyń jubaiynyń, jaqyn týystarynyń nemese zańdy ókiliniń bastamasy boiynsha júzege asyrýy kerek.
Ákimdik jerleý úshin qujattardy rásimdeýge, qaitys bolǵan adamdy jerleý úshin qoldanylatyn atribýttardy qamtamasyz etýge, qaitys bolǵan adamnyń denesin panteonǵa jetkizip, jerleýge mindetti.
Dini joralar men rásimder Qazaqstan zańnamasyna sáikes ótkizilýi kerek.
Jerleý týraly sheshim qabyldaýda kezde qaitys bolǵan adamnyń erki nemese jubaiynyń, jaqyn týystarynyń nemese qaitys bolǵan adamnyń zańdy ókiliniń tilekteri eskeriledi, delingen qujatta.
Panteondaǵy qabir qurylystarynyń ornalasýy men dizainy biryńǵai nysanda júzege asyrylýy kerek. Panteonda óz betinshe jerleýge, otbasylyq zirat qurý jáne qaita jerleýge jol berilmeidi.
Sondai-aq,panteonda jerleý kitaby júrgiziledi. Kitapta qaitys bolǵan adamdar týraly kelesi aqparat bolady:
1) tegi, aty jáne ákesiniń aty (bar bolsa);
2) qaitys bolǵan adamnyń panteonǵa túsken jáne jerlengen kúni;
3) ómirbaiany;
4) Qazaqstan Respýblikasyna sińirgen eńbegi;
5) ózge de aqparat.
