Ulttyq mýzeiinde «Qazaqstan Respýblikasynyń Ulttyq mýzeii jáne BAQ: ózara yqpaldastyq joldary» atty dóńgelek ústel ótti. Sharada mýzei men BAQ arasyndaǵy ózara tiimdi yntymaqtastyq máselelerin qarastyrý, mýzeidegi mádeni qundylyqtardy nasihattaýdyń joldary men tásilderin qalyptastyrý jáne Qazaqstannyń Máńgilik El ulttyq ideiasyn júzege asyrýdaǵy mýzeidiń rólin jan-jaqty sóz boldy.
QR Ulttyq mýzeiiniń direktory Darhan Myńbai quttyqtaý sózinde elimizdiń mádeni-tarihi murasyn nasihattaýdaǵy, sondai-aq Ulttyq mýzeidiń oń imidjin qalyptastyrýdaǵy BAQ-tyń mańyzdy rólin atap ótti. Ol dóńgelek ústelge qatysýshylardy tarihi jáne mádeni qundylyqtar men dástúrlerdi saqtaý ári jańartý isinde ortaq maqsattarǵa jetý úshin yntymaqtastyqty jalǵastyrýǵa jáne kúsheitýge shaqyrdy. Shara barysynda yqpaldastyq máseleleri talqylanyp, BAQ jetekshilerinen qundy usynystaryn alǵa tartty. Aitalyq, Qazaqstan Jýrnalister odaǵy basqarmasynyń tóraǵasy Seiitqazy Mataev halyqaralyq deńgeidegi iri mádeni ortalyq retindegi Ulttyq mýzeidiń rólin atap ótti, onyń odan ári damýy men kelýshiler sanynyń arta túsetindigine senim bildirdi. Sonymen qatar, S.Mataev mýzei basshylyǵyn Jýrnalister odaǵy tarapynan qoldaý kórsetiletindigine sendirdi.
Dóńgelek ústel jumysynyń barysynda tilshiler mýzei kórmelerimen jáne onyń turaqty zaldarymen tanysty, mýzeidiń resmi saitynyń jáne 3-D týrynyń tusaýkeseri boldy, sonymen birge «Mádeni mura» jýrnalynyń jańa formaty tanystyryldy. Is-sharada jeke ekspozitsiialyq keshen retinde qazirgi zamannyń ataqty músinshileriniń biri – Tsadok Ben-Davidtiń (Zadok Ben-David, Angliia, London) «Tún ortasynyń arǵy beti» kórmesi, sonymen qatar qytai farforynyń kórmesi kópshilik nazaryna usynyldy.
Is-shara qorytyndylary boiynsha QR Ulttyq mýzeiiniń direktory Darhan Myńbai qatysýshylardyń usynymdary men usynystary eskeriletindigin jáne qorytyndylanatyndyǵyn atap ótti, jáne olardyń ózara yqpaldastyq jónindegi qos taraptyń máselelerin sheshýde sapaly ári nátijeli yntymaqtastyqqa odan ári sebepshi bolatyndyǵyna senim bildirdi.
Nurlan JUMAHAN.
