"8 naýryz halyqaralyq – Áielder merekesi" qarsańynda «Almaty» ýniversitetinde ustazdarǵa da, jastarǵa da tárbielik máni bar, taǵylymdyq mańyzy zor shara uiymdastyryldy.
«Ultty uiytqan Ana parasaty...» atty taqyrypta ótken merekelik is-sharaǵa elimizdiń Bilim berý isiniń úzdigi, qoǵam qairatkeri, professor Shámshá Berkimbaeva, ult anasy, ataqty batyr, dańqty qolbasshy Baýyrjan Momyshulynyń kelini Zeinep Ahmetova apalarymyz shaqyrtý aldy.
Jalpy bul kezdesýdiń tárbielik máni zor boldy desek artyq aitpaspyz. Ýniversitet zalyna lyq tolǵan tolǵan stýdentter eki saǵattan asa ýaqyt boiy ult analarynyń ulaǵatty sózderi men tálimdi tárbie berer pikirlerin qulaǵyna quidy.
[caption id="attachment_9657" align="alignleft" width="425"]
Atalmysh is-sharaǵa qonaq retinde shaqyrtylǵan elimizge tanymal belgili tulǵalar, professorlar Gúlziia Pirálieva jáne Aigúl Ismaqova apalarymyzdyń ómir jolyna jeke-jeke toqtalyp, óz áńgimelerinde Shámshá Kópbaiqyzy men Zeinep Ahmetovanyń ómir joly jastarǵa úlgi bolýy kerektigin tilge tiek etti.
– Ulttyq salt-dástúr, ulttyq ideologiia, ulttyq tárbie. Bular eshqashan da mańyzyn joǵaltpaityn máńgilik dúnieler... Osy máńgilik taqyrypqa qalam terbegen jazýshy, qazaqtyń birtýar qaharman uly Baýyrjan Momyshulynyń kelini Zeinep Ahmetova búgin ortamyzda otyr. Al «Almaty» ýniversitetiniń belsendilik tanytyp apalarymyzben kezdesý uiymdastyrýy igilikti is jáne oń bastama. Aldaǵy ýaqytta mundai jiyndardyń jalǵasyn tabaryna senimdimin, – dedi óz sózinde Aigúl Ismaqova.
[caption id="attachment_9663" align="alignleft" width="224"]
Shara aiasynda oqý ornynyń ustazdary da sóz alyp, bul taraptaǵy óz oi-pikirlerin bildirdi. Atap aitqanda ýniversitettiń kúndizgi oqý bóliminiń dekany, tarih ǵylymdarynyń doktory S. Shildebai «8 naýryz – Áielder kúni» qarsańynda apalarymyzǵa, analarymyzǵa arnap óleń oqydy.
[caption id="attachment_9658" align="alignright" width="233"]
Al Qazaq memlekettiń Qyzdar pedagogikalyq ýniversitetiniń atynan kelgen, atalmysh oqý ornynyń mýzyka fakýltetiniń aǵa oqytýshysy Ulbosyn Belǵozieva Shámshá Berkimbaeva apamyzǵa arnap «Qyz ǵumyry» atty tamasha týyndyny oryndady.
Ári qaraiǵy júzdesý ashyq suhbat aiasynda ótip stýdentter apalarymyzǵa óz kókeilerindegi suraqtaryn qoiýǵa múmkindik aldy. Shámshá Kópbaiqyzy men Zeinep Ahmetovanyń aqyl-keńesteri jastardyń sanasyna quiylyp, kókeilerinde saqtalǵany anyq.
Al ultty uiytqan parasatty analarymyzben bolǵan kezdesýdi osynaý sharany uiymdastyrýǵa muryndyq bolǵan «Almaty» ýniversitetiniń rektory, tehnika ǵylymdarynyń kandidaty Baýyrjan Quljabaev túiindedi.
– Barlyqtaryńyzdy analar merekesimen quttyqtaimyn! Búgingi kezdesýdiń taǵylymdyq, tárbielik máni zor bolǵany anyq. Bul óz kezeginde stýdentterdiń qulshyna bilim alýyna jáne ómirge jańa kózqaraspen qaraýyna, bolashaq qundylyqtaryn anyqtaýǵa septeserine senimdimin, – dedi óz sózinde Baýyrjan Jamalbekuly.
Daiyndaǵan, Erbolat BATES
Sýretterdi túsirgen Qairat QONYSBAEV
