«Jas bolsa da onyń kúrdeli ári iri jobalarǵa jetekshilik etýde tájiribesi mol» dep jazdy Qadyrov.
2020 jyly naýryz aiynda Qadyrov 21 jastaǵy Aishat Qadyrovany «Sheshen Respýblikasyna sińirgen eńbegi úshin» medalimen marapattaǵan. Medal «mádeniet jáne óner salasyna adal eńbek etkeni úshin» berildi dep aityldy.
Aishat Qadyrova 18 jastan beri Firdaws sán úiine jetekshilik etedi. Bul saýda úiin sheshesi Medni Qadyrova 2009 jyly ashqan.
2019 jyly «Otkrytye media» saity Aishat Qadyrovaǵa Groznyidaǵy erotikalyq ish kiimder satatyn «Lady A» býtigi tiesili bolýy múmkin dep jazdy. Dúken Resei zańdaryn buzyp, saýda jasaidy: taýarlardy cheksiz ári etiketsiz satady, biznestiń naqty qai zańdy tulǵaǵa tiesili ekeni ashyq aitylmaidy.
Qadyrovtyń on balasy bar: tórt ul, bes qyz. Aqparat quraldarynyń jazýynsha, Qadyrovtyń kóptegen týysy iri laýazymdy qyzmetter atqarady, alaida buǵan deiin onyń balalary eshqandai iri qyzmetke otyrmaǵan edi.
2018 jyly BBC saity Sheshenstandaǵy 150 yqpaldy sheneýniktiń 30 paiyzy Qadyrovtyń týysy ekenin anyqtaǵan.
Shilde aiynda AQSh memlekettik hatshysy Ramzan Qadyrovqa azaptaý, sotsyz ólim jazasyna kesý jáne ózge de adam quqyǵyn óreskel buzý faktileri úshin sanktsiia salǵan. Áieli Medni Qadyrova men qyzy Aishat pen Karina (Hadijat) Qadyrovada da sanktsiianyń qatysy bar.
