Ulytaý oblysynda memlekettik qyzmetshi 16 mln teńgeni qumar oıyndarǵa salǵany úshin jumystan qýyldy, dep habarlaıdy Dalanews.kz.
Qazaqstan Respýblıkasynyń «Sybaılas jemqorlyqqa qarsy is-qımyl týraly» Zańyna sáıkes, memlekettik qyzmetshilerge telekomýnıkasıalyq jeliler men ınternetti paıdalana otyryp ótkiziletin qumar oıyndaryna jáne bás tigýge qatysýǵa tyıym salynǵan.
Taldaý nátıjesinde Sátbaev qalasy ákimdiginiń bas mamany atalǵan talaptardy júıeli túrde buzǵany anyqtaldy.
«1XBET» jáne «OLIMPBET» býkmekerlik keńseleriniń resmı málimetterine sáıkes, ol jalpy somasy 16 mıllıon teńgege jýyq mólsherde qumar oıyndaryna qatysqan.
Prokýrorlyq qadaǵalaý aktisin qaraý nátıjesi boıynsha memlekettik qyzmetshi qyzmetinen bosatyldy.
