Ulytaý oblysy prokýratýrasy somasy 3,7 milliard teńge bolatyn zańsyz memlekettik satyp alýlardy anyqtady, - dep habarlaidy Dalanews.kz.
Ulytaý oblysynyń prokýratýrasy jyl basynan jalpy somasy 3,7 mlrd teńge bolatyn 12 memlekettik satyp alýdyń kúshin joidy.
Taldaý nátijelerinde jergilikti atqarýshy organdar konkýrstardy jariialaý kezinde tiisti saraptamalar júrgizbegeni, jobalyq-smetalyq qujattamalar bolmaǵany jáne áleýetti jetkizýshilerdiń jaǵdaiyn nasharlatatyn talaptar kózdegeni anyqtalǵan.
Mysaly, Jezqazǵan qalasynyń ekonomika jáne qarjy bólimi 1,9 mlrd teńgege avtomobil joldaryn kútip ustaýǵa memlekettik satyp alý jariialaǵan. Bul rette tapsyrys berýshi konkýrstyq qujattamada zańda kózdelmegen biliktilik talaptaryn negizsiz qoiǵan (memlekettik satyp alý nysanasyna jatpaityn zańnamany saqtaý bóliginde).
Sonymen qatar, tapsyrys berýshi biýdjet zańnamasynyń talaptaryn buza otyryp, 3 jyl merzimge qala joldaryn kútip ustaý týraly kelisim shart jasasýdy josparlaǵan.
Taǵy bir jaǵdaida Ulytaý oblysy Densaýlyq saqtaý basqarmasynyń Oblystyq psihikalyq densaýlyq ortalyǵy naýqastardy tamaqtandyrý qyzmetin satyp alý kezinde qarjyny 17,2 mln teńgege negizsiz joǵarylatqan.
Prokýrorlardyń narazylyǵymen zańsyz memlekettik satyp alýlar joiylyp, 9 laýazymdy tulǵa tártiptik, 17-si ákimshilik jaýapkershilikke tartyldy.
