Basqosýǵa oblystyq basqarmalardyń jaýapty qyzmetkerleri, ziialy qaýym ókilderi, qoǵamdyq uiymdardyń jetekshileri, ǵalymdar men qoǵamdyq uiymnyń ókilderi jáne jýrnalister qatysty.
Atalmysh is-sharany Túrkistan oblysy ákiminiń orynbasary Málik Otarbaev ashyp, júrgizip otyrdy. Kezdesýde jazýshy Marhabat Baiǵut, Saryaǵash aýdany ardagerler keńesiniń tóraǵasy Mustafa Súleimenov, Jetisai aýdany qoǵamdyq keńesiniń tóraǵasy Toiym Júnisov, Tarih ǵylymdarynyń doktory, arheolog Baýyrjan Ábishuly, Q.A.Iasaýi atyndaǵy HQTÝ-nyń túrkolog ǵalymy Seisenbai Qudasov, Halyqaralyq «Túrkologiia» ortalyǵynyń ǵylymi qyzmetkeri Qazybek Tájiev, Tarih ǵylymdarynyń doktory, arheolog Muhtar Qoja sóz sóilep, «Uly dalanyń jeti qyry» men Túrkistan» taqyrybynda jasalynyp jatqan jumystar jaily aitty.
Jiynda Túrkistan oblysynyń ákimi Janseiit Túimebaev sóz sóilep, Elbasynyń «Uly dalanyń jeti qyry» maqalasy jóninde baiandama jasady. Oblys ákimi baiandamadaǵy oilaryn ortaǵa salyp, jiynnyń mańyzdylyǵyna toqtaldy.
– «Uly dalanyń jeti qyry» maqalasynda Elbasymyz Túrkistanǵa arnaiy toqtalyp, uly shahardy damytý máselesin aitty. Mine, osyǵan orai, «Uly dalanyń jeti qyry» jáne Túrkistan» baǵdarlamalyq maqalasynda aiqyn kórsetilgen tarihymyz ben jobalardy qolǵa alyp, aýqymdy jumystardy júzege asyrýda jáne Túrkistan oblysyn damytýǵa barlyǵymyz birlik pen tatýlyqty tý etip eńbek etýimiz kerek. Birlik pen yntymaqty, tatýlyq pen turaqtylyqty, saiyp kelgende, Táýelsizdikti baiandy, Uly dala elin máńgilik, Túrkistandy túrki dúniesiniń tekti tóri, mádeni-rýhani ortalyǵy etý maqsatyndaǵy basqosýymyzdyń atyn – «Túrkistan tuǵyry – tektilik pen tatýlyq» dep ataýdy usynamyn, – dedi oblys ákimi.
Odan soń óńir basshysy «Bolashaqqa baǵdar: rýxani jańǵyrý» baǵdarlamalyq maqalasynyń «Týǵan jer arnaiy jobasy» aiasynda týǵan jerge súbeli úles qosyp júrgen Syrym Ertaev, Talǵat Ysqaqov, Aiyphan Aiymbetov, Baǵlan Súgirbaev syndy azamattardy «Jomart júrek» syilyǵymen marapattady.
Sonymen qatar, «Yrys aldy – yntymaq» qoǵamdyq forýmynyń «Uly dalanyń jeti qyry» jáne Túrkistan» jiynyna qatysýshylar atalǵan taqyrypty talqylai kelip, QARAR qabyldady.
Rýhani sharanyń sońy «Bolashaqqa baǵdar: Rýhani jańǵyrý» baǵdarlamasy aiasynda «Ońtústiktiń qasietti oryndary: ańyz-ápsanalar», «Ońtústik Qazaqstan oblysynyń tarihi oryndary men kieli jerleri» atty kitaptarynyń tusaýkeserine ulasty.
Túrkistan oblysy ákiminiń baspasóz qyzmeti
