19 mamyrda, «Uly dala joryǵy» marafon-báıgesiniń birinshi kezeńi aıaqtaldy. Tańǵy 7.00-de 19 komanda Pavlodar qalasy mańyndaǵy «Atameken» eldi mekeninen Ekibastuzǵa attandy.
At sporty áýesqoılary men elimizdiń ár óńirleriniń ókilderin biriktiretin sport álemindegi erekshe oqıǵa qazaqtyń kórnekti geolog-ǵalymy Qanysh Sátbaevtyń 125 jyldyǵyna arnalyp otyr.
Jol qashyqtyǵy 500 shaqyrymdy quraıdy jáne baǵyt Pavlodar, Aqmola oblystaryn qamtıdy. Marafon 23 mamyrda Astanada aıaqtalady.
Joryq baǵdarlamasyna sáıkes, komandalar marafon-báıgeniń alǵashqy 100 shaqyrymyn baǵyndyryp, birinshi kezeńniń máresi Ekibastuz mańynda aıaqtaldy.
Alǵashqy kezeń qorytyndysy boıynsha, Shyǵys Qazaqstan oblysynyń komandasy jeńimpaz atandy. Mańǵystaý oblysynyń shabandozdary máre syzyǵyna ekinshi bolyp jetse, Soltústik-Qazaqstan oblysynyń komandasy úshtikke ilikti.
Ókinishke qaraı, alǵashqy kezeńde birden úsh komanda (Almaty men Qyzylorda oblystary, Shymkent qalasy) jarystan ártúrli sebeptermen shyǵyp qaldy.
«Attardyń shama-sharqyn baǵamdaǵan shabandozdar sáıgúlikterin qınamaı, der kezinde jarysty toqtatqandary jaqsy sheshim boldy», - deıdi Bas tóreshi Nadejda Kýpsova.
Birinshi kezeńde Batys-Qazaqstan men Soltústik Qazaqstan oblystary eki attan, Abaı oblysynyń komandasynda bir at jarysqa jaramsyz dep tanyldy. Jalpy 20 mamyrda 2-kezeńdi 16 komanda jalǵastyrady.
100 km:
1. SHQO - - 5 saǵ. 47 mın.
2. Mańǵystaý oblysy - 5 saǵ. 49 mın.
3. SQO - 5 saǵ. 51 mın.
4. Jambyl oblysy - 5 saǵ. 52 mın.
5. Jetisý oblysy - 5 saǵ. 55 mın.
6. Almaty qalasy - 6 saǵ. 09 mın.
7. Aqmola oblysy - 6 saǵ. 23 mın.
8. Pavlodar oblysy - 6 saǵ. 29 mın.
9. Qostanaı oblysy - 6 saǵ. 30 mın.
10. Astana qalasy - 6 saǵ. 35 mın.
11. Abaı oblysy - 6 saǵ. 35 mın.
12. Túrkistan oblysy - 6 saǵ. 39 mın.
13. Qaraǵandy oblysy - 6 saǵ. 40 mın.
14. Ulytaý oblysy - 6 saǵ. 55 mın.
15. BQO - 6 saǵ. 57 mın.
16. Komanda «Rekord».
Jeńimpazdardyń marapaty: Alǵashqy úsh jeńimpaz 5-shi Dúnıejúzilik kóshpendiler oıyndary aldynda 3-7 qyrkúıek aralyǵynda ótetin halyqaralyq marafon-báıgege qatysýǵa lısenzıa alady. Halyqaralyq kezeńge shet memleketterden keminde 15 komanda qatysady dep kútilýde (Túrkıa, Saýd Arabıasy, Mońǵolıa, Vengrıa, Túrikmenstan, Iran, Ózbekstan jáne t.b.).
Saraptamalyq qorytyndy: Marafon jumysyna 2 halyqaralyq jáne 3 qazaqstandyq sýdıa, sondaı-aq 2 halyqaralyq jáne 3 qazaqstandyq mal dárigeri qatysyp, joǵary standarttardy saqtaý men jylqylardyń densaýlyǵyna qamqorlyq jasaýǵa kepildik beredi.
Ótken eki jyl qatarynan elimizge esimi tanymal áýesqoı veloshabandoz Rabbım Borashov attyly shabandozdarmen birge Astanadan Túrkistanǵa deıingi 1200 jáne 1300 shaqyrymdy baǵyndyrǵan edi. Rabbım Borashov – Mańǵystaý oblysy, Beıneý aýdanynyń týmasy, Qazaqstannyń qurmetti qurylysshysy. Sportshy bul joly da 5 kúndik alamanǵa qatysyp, 500 shaqyrymdy baǵyndyrýdy jón kóripti.
Jobanyń basty seriktesi: QR Ulttyq sport qaýymdastyǵy.
Qoldaý kórsetýshiler: «Amanat» partıasy, Pavlodar oblystyq ákimdigi, Qazaqstan Respýblıkasy sport jáne týrızm mınıstrligi.
Aqparattyq seriktester: «Qazaqstan», «Habar», «Astana» telearnalary.
«Uly Dala Joryǵy» – jylqy balasynyń eń myqty ári tózimdi tuqymy anyqtalatyn dalalyq laboratorıasy.
Marafon jańalyqtaryn www.joryq.kz resmı saıtynda, áleýmettik jelilerde baqylańyz: fb - JORYQ, Instagram - joryqofficial, Tik-Tok - JORYQ, youtube - JORYQ.
BAQ-pen yntymaqtastyq jáne ózara is-qımyl máseleleri boıynsha + 7 777-214-01-71 nómiri boıynsha Raýan Esqalımen habarlasýlaryńyzdy suraımyz.
Qurmetpen, «Uly dala joryǵynyń» uıymdastyrý komıteti
