Májilis depýtaty Ermurat Bapidiń densaýlyǵyna bailanysty qazirgi jaǵdaiy belgili boldy, - dep habarlaidy Dalanews.kz.
Keshe, 22 tamyzda qazaqstandyq saiasatker Bolat Ábilov depýtatpen áńgimelesip qaitqan. Bapi qazirgi jaǵdaiy týraly aityp bergen.
"Búgin jaqynda Germaniiadan tekserilip kelgen depýtat Ermurat Bapimen sóilestik. Berlindegi "Sharite" klinikasyndaǵylar Erekeniń aǵzasynan "Novichokty" (ýlaityn zat) tappady. Onyń ýlanýy múmkin ekeni týraly qaýesetter rastalmady", - deidi Bolat Ábilov.
Al depýtattyń ózi densaýlyǵy jaqsy ekenin, Germaniiada diagnoz anyqtalǵandyqtan emdelýge baratynyn aitady.
Aita keteiik, biyl shilde aiynyń basynda Májilis depýtaty Ermurat Bapi syrqattanyp qalǵan bolatyn. Depýtat áleýmettik jelidegi paraqshalarynda densaýlyǵyna qatysty pikir bildirip, ýlaný men ýlandyrýǵa qatysty kúdik baryn aitqan edi.
Biraq Bapi jýrnalisterdiń "kimnen kúdiktenedi?" degen suraqqa jaýap bere almady.
"Qalai jaýap beretinimdi de bilmeimin. Jumysymnyń ereksheligine bailanysty shai ústinde kóp adammen kezdesýge týra keledi. Eshkimniń atyn atai almaimyn", - dedi Ermurat Bapi.
Artynsha Bapi densaýlyǵyna bailanysty Eýropaǵa jol júrgeli jatqany belgili boldy.Keiinnen depýtat ýlaný týraly aitýdyń áli erte ekenin atap ótti.
Bápi naýryz-sáýir ailary aralyǵynda belgisiz aýrý belgilerine bailanysty Prezident Ákimshiliginiń emhanasyna qaralǵanyn aitty. Dárigerler allergiiany joqqa shyǵaryp, diagnoz qoia almady. Jańa isikter men qatty qyshynýlar depýtatty mazalaýda.
Bapi sheteldik klinikalarǵa synaqtar jiberdi jáne 20 shildeden keiin molekýlalyq jasýshalyq diagnostika úshin Eýropaǵa barýǵa daiyndalýda. Ol Qazaqstannan áli ketpegenin basa aitty.
Bápi onyń ýlanýy týraly boljam Orda.kz derekkózderiniń jeke pikiri ekenin aitty. Onyń ýlaný deregi joq jáne ol bul nusqa boiynsha boljam jasaýdy erte dep sanaitynyn aitty.
