Qazaqstanda «Qazaqstannyń Eńbek eri» degen memlekettik nagrada, ardaqty ataqqa ie 5 muǵalim ǵana bar. Búgin olardyń úsheýi – «Aýyl» partiiasy uiymdastyrǵan jastarmen kezdesýdiń qurmetti qonaǵy boldy, – dep habarlaidy Dalanews.kz.
QR Parlamenti Májilisiniń kitaphanasynda Qazaqstannyń Eńbek Erleri: Elmara Traisova, Alma Shýkejanova jáne Alina Soloveva qatysqan «Bilikti ustaz – bilimdi urpaq» atty basqosýda mártebeli qonaqtarǵa zor qurmet kórsetildi.
Basqosýǵa QR Parlamenti Májilisiniń depýtattary, partiianyń qyzmetkerleri, elordalyq joǵary oqý oryndarynyń stýdentteri men baspasóz aqparat quraldarynyń ókilderi qatysty.
«Ustazy myqtynyń, ustamy myqty» degen. Qoǵamdaǵy qai mamandyq iesi bolmasyn ustazdyń shákirtteri. Mektep qabyrǵasyndaǵy sapaly bilim men sanaly tárbie tek tulǵany qalyptastyryp, tutas qoǵamdyq qatynastardy izgilendiredi. Sondyqtan muǵalim qandai qurmetke bolsa da laiyq.
Jiyn barysynda muǵalim mamandyǵynyń mártebesi, aýyldaǵy bilim berýdiń ózekti máseleleri talqylandy. Májilis depýtaty, «Aýyl» partiiasynyń Tóraǵasy, QR Parlamenti Májilisi Agrarlyq máseleler komitetiniń Tóraǵasy Serik Egizbaev óz sózinde: «Qazaqtyń syrshyl aqyny Maǵjan Jumabaev «Alty Alashtyń balasy bas qosqanda, tór - muǵalimdiki» degen eken. Sizder aty ańyzǵa ainalǵan jansyzdar. Maǵjan aitqan tór qashanda sizderdiki», - dep úzdik ustazdarǵa syi-qurmet kórsetti.
Oral qalasyndaǵy №34 mektep-gimnaziiasynyń orys tili men ádebieti pániniń muǵalimi Elmara Traisova: «Sizder bizdiń bolashaǵymyz bolsańyzdar, sizderdiń bolashaqtaryńyz – sizderdiń oqýshylaryńyz! Endeshe, elimizdiń órkendeýi úshin balalar eń aldymen memlekettik tildi bilip, qurmetteýleri kerek. Árine, shet tilderin bilý mańyzdy jáne qajet, biraq biz eń bastysy – týǵan jerimizdiń ana tilin umytpaýymyz kerek», - dedi.
Semei qalasynyń №7 jalpy bilim beretin mektep-litseiiniń matematika pániniń muǵalimi Alma Shúkijanova óz sózinde: «Biz, ustazdar, eń aldymen oqýshyny emes, bizge senim artqan tulǵany tárbieleimiz. Jáne bul senimdi aqtaý mańyzdy. Bul bala sonda ósip, ustazynan asyp túsedi – bul meniń jetistigim».
Shymkent qalasyndaǵy №1 mektep-gimnaziiasynyń biologiia pániniń muǵalimi Alina Soloveva «Kitaptardan qol úzbeńiz, árqashan qasyńyzda muqiiat saqtańyz jáne kez kelgen túsiniksiz jaǵdaida qaita oqyp shyǵyńyz. Olar sizge ómirde jaqsy jol kórsetýshi bolady», - dep keńes berdi.
Basqosý sońynda eldiń úzdik ustazdary pedagog mamandyqtar stýdentterimen óz tájiribelerimen bólisip, olardyń suraqtaryna jaýap berdi.
Jiyn barysynda Elmara Traisova «Aýyl» partiiasynyń qataryna qabyldanyp, oǵan saltanatty túrde partiialyq bilet tabystaldy. Sondai-aq, ulaǵatty ustazdarǵa qurmet kórsetilip, iyqtaryna shapan jabyldy.
