Ýkrainanyń qaýipsizdik qyzmeti Ýkraina prezidenti Vladimir Zelenskiige jáne eldiń basqa da joǵary áskeri-saiasi basshylyǵynyń ókilderine qastandyq jasamaq bolǵandardyń áreketine tosqaýyl qoiylǵanyn málimdedi, - dep habarlaidy Dalanews.kz.
"Ýkrainskaia pravda" derekterine súiensek, Ýkrainanyń Memlekettik kúzet basqarmasynyń eki polkovnigi memleketke opasyzdyq jasap, lańkestik shabýyl uiymdastyrýǵa járdemdesti degen kúdikke ilinip otyr.
"Olardyń turǵylyqty jerin tintý kezinde qylmystyq árekettiń dáleli bolatyn zattar men qujattar tabylǵan. Ustalǵandardyń ekeýi de qamaýǵa alyndy", - dep jazylǵan málimette.
ÝKQ
Ýkraina Qaýipsizdik qyzmetiniń basshysy Vasilii Maliýktiń aitýynsha, shabýyl "Pýtinge inaýgýratsiiaǵa syilyq" bolýy kerek edi.
Kiev Resei birneshe ret Ýkraina prezidentiniń kózin joiýǵa tyrysqanyn málimdep otyr. Zelenskiiden bólek Ýkraina Qaýipsizdik qyzmeti basshysy Vasilii Maliýkti, Bas barlaý basqarmasy basshysy Kirill Býdanovty jáne basqa da joǵary laýazymdy tulǵalardy joiý josparlaǵany aityldy.
