Ýkraına prezıdentiniń resmı saıtynda jarıalanǵan petısıada «Reseı» sózin kishi árippen jazý usynyldy. Qujat 26 naýryzda jarıalanǵan jáne qazirgi ýaqytta qajetti 25 myń daýystyń 17 myńy bar.
«Men «Reseı» sózin kishi árippen jazýdy usynamyn. Bul ózgeristi buqaralyq aqparat quraldarynda, baspa, qujat aınalymyna jáne t.b. engizý kerek», – delingen mátinde. Petısıa avtory Roman Maksımchýk bul qadam «agresor elge» qarsy sanksıaǵa aınalady dep sanaıdy.
Tolyqqandy soǵys bastalǵannan keıin kóptegen ýkraınalyq buqaralyq aqparat quraldary men áleýmettik jeli qoldanýshylary «Reseı» sózin de bas árippen jazýdan bas tartty. Endi bul tájirıbe ýkraın tiliniń normalaryna sáıkes dep tanyldy, biraq tek beıresmı mátinderde.
Vedomstvo «Reseı Federasıasy», «Reseı», «Máskeý», «Reseı Federasıasynyń Memlekettik dýmasy» jáne t.b. sózderdi kishi árippen jazýǵa resmı túrde ruqsat etilgenin atap ótti.
