Ýkrainada áskeriler men sheneýnikterge Telegram qoldanýǵa tyiym salyndy, - dep habarlaidy Dalanews.kz.
Euronews málimetinshe,Ýkrainada sheneýnikterge, áskeri qyzmetkerlerge jáne mańyzdy infraqurylym qyzmetkerlerine Telegram habar almasý qoldanbasyn paidalanýǵa tyiym salynǵan.
Eldiń ulttyq qaýipsizdik jáne qorǵanys keńesi bul qadamdy qajet dep tapqan.
Beisenbide ótken kezdesý kezinde Ýkrainanyń Qaýipsizdik qyzmeti men Qarýly Kúshterdiń Bas shtaby Resei Telegram-dy "kibershabýyldar, fishing, ziian baǵdarlamalar taratý, paidalanýshylardyń ornalasqan jerin anyqtaý úshin" paidalanady dep málimdegen.
Bul tyiym qosymshany ózderiniń resmi mindetterin oryndaý úshin paidalanatyn adamdarǵa arnalady. Qalǵan ýkrainalyqtar qosymshany erkin qoldana alady.
Derekterge súiensek, Telegram messendjeri Ýkrainada reseilik áýe shabýyldary týraly aqparat almasý úshin tanymal. Ol ýkrainalyq sheneýnikterdiń, sonyń ishinde prezident Vladimir Zelenskiidiń qoǵammen qarym-qatynasynyń negizgi tásilderiniń biri sanalady.
