Ýkraina men Resei ókilderi arasyndaǵy tikelei kelissózderdiń úshinshi kezeńi osy aptada Túrkiianyń Ystambul qalasynda ótýi múmkin, dep habarlaidy Dalanews.kz ýkrain, túrik jáne reseilik BAQ-qa silteme jasap.
Kezdesý sársenbi ne beisenbige josparlanǵan
Forbes-tiń Túrkiiadaǵy bólimshesi diplomatiialyq derekkózderge súiene otyryp, kelissózderdiń sársenbi nemese beisenbi kúni ótýi múmkin ekenin jazady. Biraq kelissózdiń naqty ýaqyty, orny jáne delegatsiialardyń deńgeii týraly málimetter jariia etilgen joq.
Jańa kezdesýdiń tehnikalyq deńgeide ótip, shekteýli máselelerge arnalatyny aitylǵan. Atap aitqanda, taraptar gýmanitarlyq kómek, tutqyn almasý, infraqurylym qaýipsizdigi jáne shekara mańyndaǵy qaýipsizdik sharalaryn talqylaýy múmkin.
Kelissózderdiń merzimi ár derekkózde ártúrli kórsetilgen
Ýkrainalyq «Sýspilne» arnasy da óz derekkózine silteme jasap, kelissózder seisenbi ne sársenbi kúni ótýi yqtimal ekenin habarlady. Alaida bul – aldyńǵy raýndta jasalǵan ýaǵdalastyqtardyń oryndalýyna bailanysty bolmaq.
Al reseilik TASS agenttigi kelissózderdiń osy aptanyń sońyna qarai ótýi múmkin ekenin jazdy.
Ýmerov Reseige usynys jasaǵan
Ótken demalys kúnderi Ýkraina prezidenti Vladimir Zelenskii Ulttyq qaýipsizdik jáne qorǵanys keńesiniń hatshysy Rýstem Ýmerovtyń Resei jaǵyna osy aptada jańa kezdesý ótkizý jóninde usynys jasaǵanyn málimdedi.
Eske sala keteiik, Ýkraina men Resei arasyndaǵy sońǵy kelissózder 2 maýsymda Ystambulda ótken bolatyn. Ol kezde Resei Ýkrainaǵa qabyldanbaityn ýltimatýmdar jiyntyǵy bar memorandým usynǵan.
