Úkimet sý tasqynynan zardap shekken aimaq turǵyndarynyń balalaryna arnaiy grant bóldi

QR Ǵylym jáne joǵary bilim ministri Saiasat Nurbek sý tasqynynan zardap shekken aimaq turǵyndarynyń balalaryna arnaiy grant bólingenin málim etti.

Sońǵy ýaqytta elimizde oryn alǵan sý tasqyny búkil elge ortaq synaq boldy. Osy jaǵdaiǵa bailanysty, biz joǵary bilim alýǵa granttardyń az ǵana bóligin zardap shekken óńir túlekterine bóldik. Sany kóp te emes, 5112 grant. 20 myńnan astam túlek sý basqan óńirden bitirse, sonyń 10 myńnan astam túlegi ózderińizben birdei jalpy konkýrspen ótti. Biz ony ádil jáne ashyq túrde bólýge bar kúsh-jigerimizdi saldyq.

Keshegi ata-analar men balalardyń qýanysh jasyn kórip, biz de birge qýandyq. Biraq, ókinishke orai, grant ala almaǵan túlekter men otbasylardyń muńynda da biz birgemiz. Kóptegen adam ministrlikke, maǵan habarlasyp, jazyp jatyr, al osy nátijeni sabyrmen qabyldaǵandar da bar eken.

Aitaiyn degenim, úmit úzbeńizder! Grant alý múmkindikteri áli de bar!

Biylǵy konkýrsqa qatysýshylar sany ótken jylmen salystyrǵanda 11 myńǵa kóp, sondyqtan básekelestik te óte joǵary boldy.

Sý tasqynynan zardap shekken aimaqtar úshin kvota qarastyrylǵanymen, sol aimaqtardyń talapkerleri jalpy konkýrs boiynsha grant utyp aldy. Grant alǵandardyń tek 1130-y nemese 1,7%-y múmkindikti paidalandy. Bul aimaqtardy qoldaý úshin talapkerlerge daiyndalý jáne konkýrsqa qujattaryn tapsyrý úshin merzimi keńeitildi, jáne konkýrsqa eń jaqsy UBT nátijesi bar sertifikatyn usyný múmkindigi berildi.

Joǵary ball jinaǵan 10 myńnan astam adam grant ala almady, onyń ishinde 7 myńnan astamy shyǵarmashylyq mamandyqtar boiynsha ekenin aitý qajet.

Mysaly, dene shynyqtyrý muǵalimderin daiarlaý boiynsha 1 orynǵa 11 adam, sán jáne dizain boiynsha 9 adam, al stomatologiiaǵa 1 orynǵa 35 adamnan keldi.

Qurmetti túlek, qadirli ata-ana bizdiń maqsatymyz – el ekonomikasyna qajetti kadrlar daiyndaý.

Grant alý múmkindikterińiz qaitalap jazam áli de bar:

3 myńǵa deiin talapker granttan bas tartýy múmkin, olar kelesi joǵary ball jinaǵan talapkerlerge beriledi.

Jergilikti atqarýshy organdardyń iaǵni ákimdik granttary bar.

KazEnergy qaýymdastyǵynyń granttaryn qosyńyz.

H.A.Iassaýi atyndaǵy HQTÝ-de bilim alý úshin Túrkiia Respýblikasynyń 500 granty.

Jumys berýshilerdiń granttary.

Túrkistandaǵy Halyqaralyq týrizm jáne qonaqjailylyq ýniversiteti 800 maqsatty grant usynady.

Qazaqstan halqyna qory 850 grant bóledi.

Rektorladyń granty, mysaly Turan-Astana ýniversiteti Altyn belgi iegerlerine granttar bólýde.

Sessiia qorytyndysy boiynsha bos grant alý múmkindigi jáne bar.

Grant ala almaǵan túlekterdi osy joǵarydaǵy múmkindikterdi barynsha paidalanýǵa shaqyramyz.

Sáttilik tileimiz! Bári jaqsy bolady!