Keshe balalarǵa Ulttyq qordan aqsha túse bastady. 7 millionǵa jýyq balaǵa 100,52 dollardan túsken. Alaida Úkimet buǵan deiin balalarǵa shamamen 150-160 dollardan túsedi dep ýáde bergen bolatyn, - dep habarlaidy Dalanews.kz.
Qarjy vitse-ministri Dáýren Temirbekov kýlýarda jýrnalisterge nelikten bulai bolǵanyn túsindirdi.
"Bizdiń eseptegenimiz boiynsha 160 dollar túsýi kerek bolǵan. 2022 jylǵy 1 qarashada Prezident tapsyrma bergen bolatyn. Sol kezdegi esepke sáikes, balalar sany 6 million 400 myń edi. Búginde balalar sany 6 million 917 myńǵa jetti. Sol esep boiynsha jalpy 695 million dollar (baǵdarlamaǵa) bólingen. Bul somany 6 million 919 myń 131 balaǵa bólsek 100 dollar 51 tsentten bolmaq", - deidi vitse-ministr.
Temirbekov shotyna 100 dollardai túsken 18 jastaǵy qazaqstandyqtarǵa ony depozitke salyp, turǵyn úige nemese oqýǵa jumsaýdy usyndy.
