Premer-Ministr, Sý tasqynyna qarsy is-sharalardy úilestirý jáne sý tasqyny zardaptaryn joiý jónindegi respýblikalyq shtab jetekshisi Oljas Bektenov Memleket basshysy Qasym-Jomart Toqaevty eldegi sý tasqyny jaǵdaiy men ahýaldy turaqtandyrý boiynsha qabyldanyp jatqan sharalar týraly únemi habardar etýde.
Prezident tapsyrmasy boiynsha, Oljas Bektenov búgin Aqtóbe jáne Shyǵys Qazaqstan oblystaryna bardy.
Sondai-aq óńirlik shtab jetekshileriniń qatysýymen Sý tasqynyna qarsy is-sharalardy úilestirý jáne sý tasqyny zardaptaryn joiý jónindegi respýblikalyq shtab otyrysyn ótkizdi.
Premer-Ministrdiń tapsyrmasy boiynsha vitse-premer, Sý tasqynyna qarsy is-sharalardy úilestirý jáne sý tasqyny zardaptaryn joiý jónindegi respýblikalyq shtab jetekshisiniń orynbasary Qanat Bozymbaev Atyraý oblysyna, tótenshe jaǵdailar ministri Shyńǵys Árinov Qostanai oblysyna jiberildi.
Mindet - sý tasqyny jaǵdaiyn turaqtandyrý boiynsha jergilikti jumystardy úilestirý.
