Memleket basshysynyń sý sharýashylyǵy infraqurylymyn damytý jónindegi tapsyrmalaryn oryndaý aiasynda Jetisý oblysy Alakól kóli jaǵalaýyn qorǵaityn bóget salý jobasyn júzege asyrýǵa Úkimet rezervinen 3 mlrd teńge bólindi., dep habarlaidy dalanews.kz.
Tiisti qaýlyǵa QR Premer-ministri Oljas Bektenov qol qoidy. Bólingen qarajat uzyndyǵy 6 shaqyrym qorǵanys bógetin salýǵa baǵyttalady, onyń 2,5 shaqyrymy Kóktuma aýylyna, 3,5 shaqyrymy Aqshi aýylyna tiesili.
Buǵan deiin 2025 jyly 1,7 shaqyrym ýchaskede nyǵaitý, jer qazý, beton quiý jumystary júrgizilip, gabion qurylymdaryn ornatý jumystary aiaqtaldy. Jalpy alǵanda, qurylys-montajdaý jumystarynyń shamamen 25%-y oryndaldy.
Jobanyń júzege asyrylýy Alakól jaǵalaýynyń odan ári shaiylýynyń aldyn alyp, kóldegi shógindilerdiń tabiǵi tasymaldanýy men qaita bóliný júiesin saqtaýǵa múmkindik beredi.
Qorǵanys infraqurylymyn qalyptastyrý óńirdiń týristik áleýetin damytýǵa jáne demalýshylar men jergilikti turǵyndar úshin jaǵdai jasaýǵa yqpal etedi.
Sońǵy eki jyl ishinde Aqmola, Aqtóbe, Batys Qazaqstan, Qostanai Soltústik Qazaqstan jáne Pavlodar siiaqty alty óńirde jalpy uzyndyǵy 243 shaqyrym bolatyn qorǵanys bógetteri men qurylystary salynyp, nyǵaityldy.
Úkimet sý jáne týristik infraqurylymdy damytýǵa, tabiǵi resýrstardy saqtaýǵa jáne óńirlerdiń ornyqty áleýmettik-ekonomikalyq damýyn qamtamasyz etýge baǵyttalǵan jobalardyń júzege asyrylýyn turaqty baqylaýda ustap otyr.
