Qazaqstanda negizgi Ulttyq biryńǵai testileýdiń (UBT) qorytyndysy shyǵaryldy. Bul týraly Ǵylym jáne joǵary bilim ministrligi málimdedi, dep habarlaidy dalanews.kz.
Vedomstvonyń málimetinshe, biyl negizgi UBT-ǵa 233 myńǵa jýyq talapker qatysqan. Olarǵa testileýdi eki ret tapsyryp, memlekettik bilim granty konkýrsyna qatysý úshin eń úzdik nátijesin paidalaný múmkindigi berildi.
Ministrliktiń habarlaýynsha, testileýge qatysýshylardyń 76%-y shekti baldan ótip, memlekettik bilim berý granttary konkýrsyna qatysý quqyǵyna ie bolǵan.
Eń joǵary 140 baldy Pavlodar oblysynyń túlegi Aset Altair men Qyzylorda oblysynyń túlegi Balhan Álfiia jinady. Álfiianyń nátijesi KAZTEST sertifikatyn konvertatsiialaý qorytyndysy boiynsha eseptelgen.
Sonymen qatar 821 talapker 130 baldan joǵary nátije kórsetken. Al memlekettik bilim berý granttaryn taǵaiyndaý konkýrsynyń nátijesi 7 tamyz kúni saǵat 15:00-de jariialanady.
