"Tizgindi taǵy bir on jyl eshkimge bermegenimde aldymyz – apat, artymyz opat bolar edi"
Eger siz óz aryńyzdyń aldynda taza bolsańyz, eger siz óz jaýapkershiligińizdi biliktiń quraly dep esepteseńiz, erte me, kesh pe, áĭteýir, bir kúni báribir ketýge týra keledi.
Ýaqytynda oryn bosatý da liderlikke jatady.
Din Ýiliams "Naǵyz liderlik" kitabynda otyz bir jyl basqarǵan Li Kýan Iu myrzany mysalǵa keltiredi. Ol 1990 jyly alpys jeti jasynda qyzmetimen qosh aĭtysty.
Kitap avtoryna bergen suhbatynda Li óziniń qiyn tańdaý aldynda bolǵanyn aĭtqan: «Bylaĭ ǵoĭ, bilikte taǵy bes jyl otyrdym delik... Onymen ne dáleldemekpin? Kúsh-qýatymnyń áli de bolsa mol ekenin be? Qabiletimniń áli de jetkilikti ekenin be?
Odan ne shyǵady álde bilikten ketip, júĭeniń burandalaryn bosatyp, eldi jańa liderge tapsyryp, úkimetti qaĭta quryp, basshylyq oryndardy qaĭta qarap, qalyptasqan júĭeniń múl- tiksiz jumys atqarýyna járdemdessem be eken?
Birinshi jol tek densaýlyǵymnyń myqty ekenin dáleldemek. Ekinshi jol ózime de, elime de, úkimetke de orasan paĭda keltirip, mensiz de jumys isteĭtin úkimet bar ekenin dáleldemek.
Jańa liderler búgingi aĭnymaly, tez ózgerip jatqan tehnologiialy zamanda jas urpaqqa ne qajet ekenin jaqsy biledi. Bári de basqasha bolýǵa tiis. Aĭtalyq, tizgindi taǵy bir on jyl eshkimge bermedim delik. Olaĭ etsem, aldymyz – apat, artymyz opat bolar edi».
Vashingtonnyń qoshtasý xaty
Qurama Shtattardyń halqy alǵashqy prezidenti Djordj Vashingtonnyń otstavkaǵa ketkenin qalamady. Jurt Vashingtonnyń prezident mindetin jalǵastyra bergenin qalady, tipti keĭbiri onyń patsha bolǵanyn qup kórdi.
Ózine degen zalaldy táýeldilik pen baǵynyshtylyqty boldyrmaý úshin Vashington ekinshi merzimi bitken soń ókilettigin jalǵastyrýdan bas tartyp, Amerika halqyna qozǵaý salar hat jazyp qaldyrdy.
Bul hat tarihta «Vashingtonnyń qoshtasý haty» degen atpen belgili.
Óz hatynda Vashington jaqynda ǵana qurylǵan Qurama Shtattardyń qundylyqtary jóninde, osy qundylyqtar men printsipterdi saqtaý jáne qurmetteý qajettigin aĭtqan. Ol zańmen belgilengen ýaqytta qyzmetten ketip, jalpy jurttyń nazaryn jeke basyna emes, irgesin ózi qalaǵan idealdardy saqtap qalýǵa aýdardy.
Shyńǵys Muqannyń facebook paraqshasynan
