Saýda jáne integratsiia ministri Arman Shaqqaliev Qazaqstanda ýaqyt beldeýin qaita ózgertý máselesi petitsiia boiynsha qaralatynyn aitty, - dep habarlaidy Dalanews.kz.
Jýrnalist vedomstvo basshysynan "Ýaqyt beldeýin aýystyrýǵa qarsy petitsiiany qarastyryp jatyrsyzdar ma?" dep surady.
Ministr Arman Shaqqaliev petitsiia qalai qaralatynyn túsindirdi.
"Petitsiiany zańda bekitilgen algoritm boiynsha qaraimyz. Búgin jumys tobynyń otyrysy ótip jatyr. Bul – birinshi kezeń, iaǵni uiymdastyrý jumysy júrip jatyr. Ótinish berýshi usynǵan barlyq adamdy iaǵni (jumys tobyna - esk.) kim kirýi kerek, oǵan engizdik. Qazir bul topta jumys isteý printsipin aityp jatyrmyz: ashyqtyq, argýmenttiń bolýy, syilastyq. Jumys kestesin bekitip, kún tártibin bekitip jatyrmyz. Shahmat oiynyndaǵy siiaqty árbir júrisi dálelge súiinip jasalady, qur aiyptaýǵa, emotsiiaǵa berilmeimiz. Bul – petitsiiany qarastyrýdyń ekinshi kezeńi. Úshinshi kezeńde, komissiia qorytyndyny shyǵaryp, óz sheshimin aitady. Tórtinshi kezeń, petitsiia 40 kún qaralatynyn bilesizder. Sondyqtan zańda bekitilgen merzimge sáikes barlyǵy iske asyrylady", - dedi ministr.
Buǵan deiin elimizde burynǵy saǵat beldeýin qaitarý týraly petitsiia 50 myń qol jinaǵany belgili boldy.
Biyl 1 naýryzǵa qaraǵan túni Úkimettiń "Qazaqstan Respýblikasynyń aýmaǵynda ýaqytty esepteý tártibi týraly" qaýlysyna sáikes eldiń búkil aýmaǵy biryńǵai saǵat beldeýine kóshti. Sodan beri Qazaqstannyń 16 oblysy 5 saǵattyq "UTC+5" beldeýinde ornalasty. Alaida budan keiin saǵat tilin keri jyljytý týraly petitsiia paida boldy.
Buǵan deiin premer-ministrdiń orynbasary Serik Jumanǵarin petitsiia 50 myń daýys jinaǵanda qandai sheshim qabyldanatyny týraly saýalǵa jaýap bergen edi.
"Petitsiia 50 myń daýys jinasa, biz arnaiy jumys tobyn quryp, belgilengen tártipte memlekettik organdar men sarapshylardy tarta otyryp, ony qaraityn bolamyz. Men qazir aldyn ala eshteńe aita almaimyn. Onyń 50 myń daýys jinaǵanyn kúteiik", - dedi ol.
