Qazaqstandyq arnaıy jasaq komandalary UAE SWAT Challenge týrnıriniń úshinshi kúni barlyq júldeli oryndy ıelenip, álemdik reıtıńtiń kóshin bastady, dep habarlaıdy Dala News.

UAE SWAT Challenge saıysynyń úshinshi kezeńinde qazaqstandyq komandalar aıqyn basymdyq kórsetti. «Kazakhstan A» komandasy «Ofıserdi qutqarý» tapsyrmasyn rekordtyq 2 mınýtta oryndap, kezeń jeńimpazy atandy. Ekinshi oryn «Kazakhstan B» komandasyna buıyrsa, qola júldeni «Kazakhstan C» enshiledi.

Taǵy eki qazaqstandyq komanda týrnırdiń úzdik 20 qatysýshysy qatarynda. «Kazakhstan D» komandasy 19-orynda tur. Al «Tomiris» áıelder komandasy áıelder arasyndaǵy úzdik nátıjeni qaıtalap qana qoımaı, kóptegen erler quramasyn artta qaldyrdy.

Úsh kezeńniń qorytyndysy boıynsha jalpy esepte «Kazakhstan C» kósh bastap tur. Odan keıingi orynda – «Kazakhstan A». Osylaısha, 48 elden kelgen 109 komanda baq synap jatqan elıtalyq týrnırde qazaqstandyq arnaıy jasaq absolútti lıderler qatarynda.

Alda jarystyń taǵy eki kezeńi bar. Qazaqstandyq batyrlar álemdik dodada jeńis jolyn jalǵastyrýda.