Qajygeldinniń nysanasyna ilikken azamattardyń esim-soiy kim?
DALA INSIDE osy tarapta táýelsiz zertteý júrgizýge tyrysty.
"Shettegi aktivterdi qaitarý týraly" zańnyń "chernovigin" qolmen ustap, kózben kórgenderdiń biri – Rýstam Júrsinov. Bul kim dersiz? Ol elimizdegi kásipkerler quqyn qorǵaityn arnaiy ýákil, bylaisha aitqanda "biznes ombýdsmen".
Atalmysh zań Májilis talqylaýyna túspei tura Júrsinovtyń qolynan ótken.
"Biznes ombýdsmen" zańsyz aktivti "izdeý" men "kámpeskeleýdiń" algoritmimen aldyn-ala asyqpai-caspai tanysyp alǵan. Bizge jetken málimet boiynsha Júrsinov zańgerlerdiń kómegine júginip, zań jobasynyń olqy tustaryn anyqtaýǵa tyrysqan. Kim úshin, ne úshin, ol jaǵy bizge belgisiz…
Zańsyz kapitaldy elge qaitarý maqsatynda qurylǵan komissiia quramynda Bas prokýrordyń orynbasary – Ulan Baijanov bar. Qurylymnyń eleýsiz múshesi emes, osy komissiia tóraǵasy Toqaevtyń bildei bir "zam-y".
Osy tusta "aktivterdi qaitarý týraly zańǵa Qulybaevtyń adamdary tumsyq tyqty" degen Qajygeldinniń tuspalyn faktchekten ótkizýge týra keledi. Ákejannyń túisigi ádettegidei áldebir shikilikti sezse kerek…
Biz sóz ótken Júrsinov pen Baijanov ta "kúieýbalanyń" syralǵy serikteri. Qulybaev "QazMunaiGazdyń" orynbasary qyzmetin atqarǵan 2000-shy jyldary atalǵan jup kareralyq baspaldaqpen qaryshtap kóterildi.
Júrsinov keiinnen taǵy sol Qulybaev jetekshilik etken "QazEnerji" biznes qaýymdastyǵynyń zańgerlik bólimin basqardy. "Biznes ombýdsmen" atanbai tura, taǵy sol Qulybaev basqaratyn "Atameken" palatasynyń vitse-prezidenti boldy.
DALA INSIDE arnasyna jetken málimet boiynsha sońǵy kezderi Timýrdan maza ketip, typyrshi bastaǵan. Keshege deiin Jańa Qazaqstannyń saiasi elitasy sapyndaǵy tamyr-tanystaryna arqalanyp kelgen Qulybaev Qajygeldin taratqan insaidtyń sońy aiǵai-shýǵa ulasa ma qaýiptenedi.
"Aktivterdi qaitarý? Aldymen "Atameken" palatasynyń basshysyn, sol palataǵa múshe azamattardy tekserip, olardyń aktivteri men dúnie múlkin tergeýimiz qajet", – deidi osy tusta Maǵjanuly.
Aitýynsha, Bas prokýrordyń orynbasary (kimdi meńzegenin túsingen bolarsyzdar) óziniń Shveitsariiadaǵy záýlim saraiy týraly el aldynda esep berýi qajet.
Qajygeldin? Oǵan qudai qýat bersin deimiz. Ekc-premer amerikalyq lobbisterdi araǵa salyp Nazarbaevtyń kúieýbalasyn sanktsiiaǵa myqtap otyrǵyzýdy maqsat tutyp otyr.
