QMA Almaty qalasy boiynsha departamenti TikTok áleýmettik jelisi arqyly onlain-qumar oiyndardy uiymdastyrǵan eki turǵynǵa qatysty sotqa deiingi tergep-tekserý isin aiaqtady, dep habarlaidy Dalanews.kz.
Tergeý barysynda kúdiktilerdiń turaqty túrde tikelei efir ótkizip, qumar oiyn uiymdastyrǵany anyqtaldy.
Azamattar oiynǵa qatysý úshin aqsha qarajatyn banktik qosymshalar arqyly uiymdastyrýshylardyń shottaryna aýdaryp otyrǵan. Jinalǵan zańsyz tabys kólemi 10,5 million teńgeni qurady.
Sot úkimimen ekeýi de zańsyz oiyn biznesin uiymdastyrǵany úshin kináli dep tanyldy.
Birine 1 jyl 6 ai merzimge bas bostandyǵynan aiyrý jazasy taǵaiyndalsa, ekinshisi 2 jyl 6 aiǵa bostandyǵyn shekteý túrindegi jazaǵa tartyldy.
Aita ketý kerek, TikTok-taǵy oiyndardyń negizgi aýditoriiasyn jastar quraǵan.
Bul – internet keńistiginde belsendi jastardyń qumar oiyndaryna tartylý qaýpin arttyryp, ziiandy ádetterge, táýeldilikke jáne qarjylyq qiyndyqtarǵa ákelýi múmkin qaýipti áleýmettik úrdis.
